Theneehead-1

   Vol:17                                                                                                                               13.11.2018

துரித உணவுக்கு (Fastfood)  ஸ்ரீலங்காவில் ஏன் இத்தகைய ஒரு விருப்பம் உள்ளது?

                                                ஸகாரா டாவுட்போய்

கடந்த தசாப்தத்தில் கொழும்பின் உணவு நிலை கணிசமானளவு வேறுபட்டது. இன்று கொழும்புவாசி ஒருவருக்கு தெரிவு செய்வதற்கு பரந்த அளவிலான சமையல் வகைகள் pizzahutஉள்ளன, மற்றும் நடைமுறையில் ஒவ்வொரு தெருவிலும் ஒரு புதிய உணவகம் உள்ளது. விரைவான வளர்ச்சியை அனுபவிக்கும் பிரிவுகளில் துரித உணவும் ஒன்று. ஸ்ரீலங்காவில் 1993ம் ஆண்டு முதன்முதலில் திறக்கப்பட்ட சர்வதேச துரித உணவுச் சங்கிலி ‘பிஸ்ஸா ஹட்’ ஆகும். யூனியன் பிளேசில் அமைந்திருந்த இந்த  புதுமையான கடை உடனடியாகவே நடுத்தர வருமானம் பெறும் குடும்பங்களிடையே மிகவும் பிரபலம் பெற்றது, குறிப்பாக அதன் விரிவான விளையாட்டுப் பகுதி காரணமாக, அது மேலும் அந்த நேரத்தில் கொழும்பில் எளிதாகக் கிடைக்காத உணவு வகைகளையும் வழங்கியது. அப்போது முதல் ஸ்ரீலங்காவுக்குள் நுழைந்த இதேபோன்ற பல வகையான துரித உணவுச் சங்கிலிகள் இதேமாதிரியான பரந்த வெற்றிகளைச் சந்தித்தன. உதாரணமாக டூப்பிளிக்கேசன் வீதியில் சப்வே திறக்கப்பட்டபோது வாடிக்கையாளரின் வரிசை பிரதான வீதிவரை நீண்டது. மற்றைய சங்கிலிகளும் இதேபோன்ற வரவேற்பைப் பெற்றன.     (மேலும்)  13. 11.18

._______________________________________________________________________

சுதந்திரத்துக்குப் பின்னர் இலங்கையில் ஜனநாயகம் எதிர்நோக்கும் மிகப்பெரிய ஆபத்து

- பேராசிரியர் ஜெயதேவ உயன்கொட

நவம்பர் 9 வெள்ளிக்கிழமை இரவு பாராளுமன்றத்தைக் கலைத்த ஜனாதிபதி மைத்திரிபால சிறிசேனவின் நடவடிக்கை அரசியலமைப்பின் பிரத்தியேகமான ஏற்பாடொன்றை மீணmmranil்டும் ஒருதடவை அப்பட்டமாக மீறும் செயலாக அமைந்திருக்கிறது. பின்விளைவுகளைப் பற்றி யோசிக்காமல் அடிக்கடி ஜனாதிபதி அரசியலமைப்பை மீறுவாரானால் அது சர்வாதிகார ஆட்சிக்கே கதவைத்திறந்துவிடும். சுதந்திரத்துக்குப் பின்னர் இலங்கை எதிர்நோக்குகின்ற மிகவும் பாரதூரமான அரசியலமைப்பு நெருக்கடி இதுவாகும்.நாட்டில் அரசியலமைப்பின் வழியிலான அரசாங்கம், சட்டத்தின் ஆட்சி மற்றும் சட்டம் ஒழுங்கு ஆகியவற்றின் முற்றுமுழுதான நிலைகுலைவின் தொடக்கத்தையும் இது குறித்து நிற்கிறது.  ஜனாதிபதி சிறிரேன அரசியலமைப்பை மீறுவதைப்போன்று மகிந்த ராஜபக்ச கூட தனது ஆட்சிக்காலத்தில் நடந்துகொண்டதில்லை.தனது அரசியல் இலக்குகளை அடைவதற்கு நடைமுறையில் உள்ள அரசியலமைப்பு போதுமானதாக இல்லை என்று கண்டபோது ராஜபக்ச அதற்கு ஒரு திருத்தத்தைத்தான் கொண்டுவந்தார்.      (மேலும்)  13. 11.18

._______________________________________________________________________

பாராளுமன்ற உறுப்பினர்கள் ஜனாதிபதியை மதிப்பிழக்கச் செய்யவும் தயங்கமாட்டார்கள்: ரவூப் ஹக்கீம்

அரசியலமைப்புக்கு முரணாக பாராளுமன்றத்தை கலைத்தமையினால் ஜனாதிபதியை மதிப்பிழக்கச் செய்யும் பிரேரணேயை கொண்டுவருவதற்கும் பாராளுமன்ற உறுப்பினர்கrauff-131118ள் தயங்கமாட்டார்கள் என சட்டமுதுமானியும் ஸ்ரீலங்கா முஸ்லிம் காங்கிரஸ் தலைவருமான ரவூப் ஹக்கீம் தெரிவித்தார்.   உயர்நீதிமன்றத்தில் பாராளுமன்ற கலைப்புக்கு எதிரான மனு விசாரணை இன்று (12) ஏற்றுக்கொள்ளப்பட்டபின் நீதிமன்ற வளாகத்திலிருந்து ஊடகங்களுக்கு கருத்து தெரிவிக்கும்போதே அவர் இவ்வாறு தெரிவித்தார். அங்கு கருத்து தெரிவித்த ரவூப் ஹக்கீம் மேலும் கூறியதாவது;   பாராளுமன்றத்தை தான்தோன்றித்தனமாக கலைப்பதற்கு ஜனாதிபதி எடுத்த முடிவு அரசியலமைப்புக்கு முரணானது என்பதில் எந்த மாற்றுக் கருத்தும் இருக்க முடியாது. அரசியலமைப்பு சட்டத்தின்படி நிறைவேற்று அதிகாரம் படைத்த ஜனாதிபதிக்கு சில கட்டுபாடுகள் இருக்கின்றன.    (மேலும்)  13. 11.18

._______________________________________________________________________

தேர்தல்களின் போது என்னுடன் உடன்பாடு செய்துகொள்வதற்காக விடுதலைப்புலிகள் இரு தடவை முயன்றனர்- ரணில் 

தேர்தல்களின் போது என்னுடன் உடன்பாடு செய்துகொள்வதற்காக விடுதலைப்புலிகள் இரு தடவை முயன்றனர் எனினும்  அவற்றை கடுமையாக நிராகரித்தேன் எRanil Wickremesingheனவும் ரணில் விக்கிரமசிங்க தெரிவித்துள்ளார். பாராளுமன்றத்தை 14 ம் திகதி கூட்டியிருந்தால் வன்முறைகள் இடம்பெற்றிருக்கலாம் என ஜனாதிபதி மைத்திரிபால சிறிசேன தெரிவித்திருப்பதை ரணில் விக்கிரமசிங்க நிராகரித்துள்ளார் ரணில் விக்கிரமசிங்க அலுவலகம் இன்று இது தொடர்பாக விடுத்துள்ள அறிக்கையில் சிறிசேனவின் கருத்தினை நிராகரித்துள்ளது. சபாநாயகர் கருஜெயசூரியவை கட்சிதலைவர்கள் சந்தித்தவேளை  எவரும் இது குறித்து தெரிவிக்கவில்லை என ரணில் விக்கிரமசிங்க தெரிவித்துள்ளார். இரத்தக்களறியேற்படும் ஆபத்துள்ளது என அவர்கள் கருதியிருந்தால் சபாநாயகரை சந்தித்தவேளை இது குறித்து  அவர்கள் சுட்டிக்காட்டியிருக்கவேண்டும் என அவர் தெரிவித்துள்ளார்.     (மேலும்)  13. 11.18

._______________________________________________________________________

மனுக்கள் மீதான விசாரணை நாளை வரை ஒத்திவைப்பு

பாராளுமன்றம் கலைக்கப்பட்டதற்கு எதிராக உயர் நீதிமன்றத்தில் தாக்கல் செய்யப்பட்டுள்ள மனுக்கள் மீதான விசாரணை ஒத்திவைக்கப்பட்டுள்ளதாக தெரிவிக்கப்படுகின்றது. குறித்த மனுக்கள் மீதான விசாரணை நாளை (13) மீண்டும் விசாரணைக்கு எடுத்துக் கொள்ளப்பட உள்ளதாகவும் தெரிவிக்கப்படுகின்றது. பாராளுமன்றம் கலைக்கப்பட்டதற்கு எதிராக உயர் நீதிமன்றத்தில் 13 மனுக்கள் தாக்கல் செய்யப்பட்டிருந்தன. இந்நிலையில் இன்று மதியம் 2 மணியளவில் பிரதம நீதியரசர் நளின் பெரேரா மற்றும் உயர் நீதிமன்ற நீதிபதிகளான பிரியந்த ஜயவர்தன, பிரசன்ன ஜயவர்தன ஆகியோர் முன்னிலையில் குறித்த மனுக்கள் விசாரணைக்கு எடுத்துக் கொள்ளப்பட்டது.  இவற்றுள் 10 மனுக்கள் விசாரணைக்கு எடுத்துக் கொள்ளப்பட்டுள்ளதுடன் ஏனைய மூன்று நாளை விசாரணைக்கு எடுத்துக் கொள்ளப்பட உள்ளதாகவும் தெரிவிக்கப்படுகின்றது.   (மேலும்)  13. 11.18

._______________________________________________________________________

பிரதி சுங்க பணிப்பாளருக்கு எதிராக மனு கையளிப்பு

இலங்கை சுங்கத்தில் ஊழல் மோசடிகள் இடம்பெறுவதாக குற்றம் சுமத்தி நுகர்வோர் உரிமைகளை பாதுகாக்கும் அமைப்பு உள்ளிட்ட மேலும் சில அமைப்புக்கள் இனprotest customs்று சுங்க பணிப்பாளரிடம் மனுவொன்றை கையளித்துள்ளன.இவர்கள் சுங்க அலுவலகத்திற்கு முன்னால் எதிர்ப்பில் ஈடுபட்ட நிலையில் , இதன்போது பிரதி சுங்க பணிப்பாளர் சுதத் டி சில்வா மற்றும் எதிர்ப்பார்களுக்கிடையில் பதற்றநிலை ஏற்பட்டதாக தெரிவிக்கப்படுகிறது. எதிர்ப்பாளர்கள் இன்று மதியம் சுங்க அலுவலகத்திற்கு முன்னால் வந்து சுமார் ஒரு மணித்தியாலம் இவ்வாறு எதிர்ப்பில் ஈடுபட்டுள்ளனர்.பிரதி சுங்க பணிப்பாளர் சுதத் டி சில்வா மற்றும் மேலும் சிலருக்கு எதிராக கோசமிட்டு அவர்கள் இவ்வாறு எதிர்ப்பில் ஈடுபட்டுள்ளனர்.ஆர்ப்பாட்டத்தின் போது பிரதி சுங்க பணிப்பாளர் சுதத் டி சில்வா அவ்விடத்திற்கு வந்துள்ளதை தொடர்ந்து அங்கு பதற்றநிலை ஏற்பட்டுள்ளதாக எமது செய்தியாளர் தெரிவித்தார்.

._______________________________________________________________________

இஸ்ரேலில் சிறை வைக்கப்பட்டுள்ள 13 இலங்கையர்கள்

இலங்கையர்கள் 13 பேர் இஸ்ரேலில் சிறை வைக்கப்பட்டுள்ளதுடன் இரண்டு வாரங்களாக அவர்களது மனித உரிமைகள் மீறப்பட்டுள்ளதாகவும் சர்வதேச ஊடகங்கள் தெரிவிக்கின்றன. கடந்த ஒக்டோபர் மாதம் இடம்பெற்ற அரசியல் மாற்றத்தின் பின்னர் அவர்கள் 13 பேருக்கும் மரண அச்சுறுத்தல்கள் இருந்ததாகவும் அதனால் பாதுகாப்பு நோக்கத்திற்காக சுற்றுலா விசாவில் இஸ்ரேலுக்கு வந்ததாகவும் அவர் தெரிவித்துள்ளனர். குறித்த நபர்கள் பென்-குரியன் விமான நிலையில் விசாரணைக்கு உட்படுத்தப்பட்ட சந்தர்ப்பத்தில் மொழிபெயர்ப்பாளர் ஒருவர் அவர்களுக்கு இல்லாத காரணத்தினால் அவர்களுக்காக முன்வந்த ஒருவர் உட்பட 11 பேரும் இரு பெண்களும் இஸ்ரேல் தடுப்பு காவல் நிலையத்திற்கு அழைத்து செல்லப்பட்டுள்ளதாக தெரிவிக்கப்படுகின்றது.  இதேவேளை இரண்டு வாரங்களாக அவர்களது மனித உரிமைகள் மீறப்பட்டுள்ளதாகவும் அவர்களுக்கு ஆடை மாற்றுவதற்கோ தொலைபேசி அழைப்புகளை மேற்கொள்வதற்கோ வாய்ப்புகள் வழங்கப்படவில்லை என தெரிவிக்கப்படுகின்றது.    (மேலும்)  13. 11.18

._______________________________________________________________________

 பாலியல் வன்கொடுமை செய்தவருக்கு 17 வருடம் கடூழிய சிறை

யாழ்ப்பாணம் கொடிகாமம் பகுதியில் சிறுமியொருவரை பாலியல் வன்கொடுமைக்கு உட்படுத்திய குற்றவாளிக்கு இன்று யாழ் மேல் நீதிமன்றம் 17 வருட கடூழிய சிறைத்தண்டனை விதித்து தீர்ப்பளித்துள்ளது.யாழ் மேல் நீதிமன்ற நீதிபதி அன்னலிங்கம் பிரேம்சங்கர் இந்த தீர்ப்பை வழங்கி உத்தரவிட்டார். கொடிகாமம் பகுதியில் 2011 ஆம் ஆண்டு டிசம்பர் 19 ஆம் திகதி 7 வயது சிறுமியொருவர் தமது பெற்றோருடன் உறங்கிக் கொண்டிருந்த வேளை, 19 வயது இளைஞரொருவரால் கடத்தப்பட்டு வன்கொடுமைக்கு உட்படுத்தப்பட்டார். இந்த சம்பவம் குறித்து சட்டமா அதிபர் திணைக்களத்தினால் கடந்த வருடம் ஜூன் மாதம் 19 ஆம் திகதி வழக்கு தாக்கல் செய்யப்பட்டது.இதனையடுத்து மேற்கொள்ளப்பட்ட விசாரணைகளில்,குற்றவாளிக்கு எதிரான ஆதாரங்கள், நிரூபிக்கப்பட்டதால் நீதிபதியினால் குற்றவாளிக்கு சிறைத்தண்டனை விதிக்கப்பட்டுள்ளது.இதன்பிரகாரம் ஆட்கடத்தல் குற்றத்திற்காக 5 வருட கடூழிய சிறைத்தண்டனையும், பாலியல் வன்கொடுமை குற்றத்திற்காக 12 வருட கடூழிய சிறைத்தண்டனையும் விதித்து தீர்ப்பளிக்கப்பட்டுள்ளது.அத்துடன் 10 ஆயிரம் ரூபா தண்டப்பணம் செலுத்த வேண்டும் எனவும் நீதிபதி அன்னலிங்கம் பிரேம்சங்கர் உத்தரவிட்டுள்ளார்.இதனை செலுத்த தவறும் பட்சத்தில் மேலும் 10 மாத சிறைத்தண்டனை விதிக்கப்படும் என நீதிபதி அறிவித்துள்ளார்.இதேவேளை பாதிக்கப்பட்ட சிறுமிக்கு 5 இலட்சம் ரூபா இழப்பீடை வழங்குமாறு உத்தரவிட்ட நீதிபதி அதனை செலுத்த தவறும் பட்சத்தில் 10 வருட கடூழிய சிறைத்தண்டனை விதிக்கப்படும் எனவும் தமது தீர்ப்பில் மேலும் தெரிவித்துள்ளார்.

._______________________________________________________________________

வெளிவிவகார அமைச்சரை சந்திப்பதை தவிர்த்தனர் மேற்குலக இராஜதந்திரிகள்

இலங்கை பாராளுமன்றத்தை ஜனாதிபதி சிறிசேன கலைத்ததற்கான தங்கள் எதிர்ப்பை வெளியிடும் வகையில் வெளிவிவகார அமைச்சராக நியமிக்கப்பட்டுள்ள சரத் அமுனுகமவுடனான சந்திப்பை  எட்டு மேற்குலக நாடுகள் புறக்கணித்துள்ளன.வெளிவிவகார அமைச்சர் சரத்அமுனுக சந்திப்பொன்றிற்காக 43 நாடுகளின் பிரதிநிதிகளிற்கு அழைப்பை விடுத்திருந்த போதிலும் மிக்குறைந்த அளவு வெளிநாட்டு இராஜதந்திரிகளே இந்த சந்திப்பில் கலந்துகொண்டுள்ளனர்.பிரிட்டன் பிரான்ஸ் நெதர்லாந்து நோர்வே அவுஸ்திரேலிய கனடா தென்ஆபிரிக்கா இத்தாலி ஆகிய நாடுகளின் தூதுவர்கள் இன்றைய சந்திப்பை புறக்கணித்துள்ளனர்.ஐரோப்பிய ஒன்றியம் அமெரிக்கா ஜேர்மனி ஆகிய நாடுகளின் பிரதிநிதிகள் இந்த சந்திப்பில் கலந்துகொண்டுள்ளனர்.இந்தியாவின் சார்பிலும் உயர்ஸ்தானிகர் கலந்துகொள்ளவில்லை.இதேவேளை சீனா பாக்கிஸ்தான் கியுபா உட்பட 20 நாடுகளின் பிரதிநிதிகள் இன்றைய சந்திப்பில் கலந்துகொண்டுள்ளனர்.இலங்கையின் அரசியல் நிலவரம் குறித்தும்  அரசமைப்பிற்கு முரணான நடவடிக்கைகள் குறித்தும் மேற்குலக நாடுகள் கடும் அதிருப்தி வெளியிட்டுவந்துள்ள நிலையிலேயே இன்றைய சந்திப்பை அவர்கள் புறக்கணித்துள்ளனர்

._______________________________________________________________________

ஜனாதிபதி மைத்திரிபால சிறிசேன விஷேட உரை

மக்களின் இறையாண்மையை வெளிப்படுத்தும் மிக உயரிய ஸ்தானமுமாகிய பாராளுமன்ற உறுப்பினர்களின் பெறுமதி 100 மில்லியன் ரூபா முதல் 150 மில்லியன் ரூபா வரையிலும் சிலவேளைகளில் இன்னும் சில உறுப்பினர்களின் பெறுமதி 500 மில்லியன் ரூபாவாகவும் விலைபோகும் நிலைமை ஏற்பட்டிருக்கிறது.

m.srisena     பாராளுமன்றத்தை கலைத்தற்கான காரணத்தை தெளிவுபடுத்து விதமாக ஜனாதிபதி மைத்திரிபால சிறிசேன இன்று (11) விஷேட உரை ஒன்றை நிகழ்த்தி இருந்தார்.   அரசியல் நிலைமைகள் தொடர்பில் கடந்த 14 நாட்களில் மக்களுக்காக ஆற்றும் 3 ஆவது விஷேட உரை இது எனவும் ஜனாதிபதி தெரிவித்துள்ளார்.இதன்போது மேலும் கருத்து தெரிவித்த அவர், தற்போதைய அரசியல் நிலைமைகளை தெளிவுபடுத்தும் வகையில் 14 நாட்களுக்குள் இது நான் உங்கள் முன் உரையாற்றும் மூன்றாவது முறையாகும். முதலாவதாக மஹிந்த ராஜபக்ஷ அவர்களை பிரதமர் பதவியில் அமர்த்தியதை அடுத்து நான் எனது கருத்துக்களை முன்வைத்தேன். அதேபோன்று நவம்பர் மாதம் ஐந்தாம் திகதி பத்தரமுல்லையில் இடம்பெற்ற மக்கள் சந்திப்பின்போது இரண்டாவது தடவையாக அரசியல் நிலைமைகளை உங்களுக்கு தெளிவுபடுத்தினேன்.     (மேலும்)  12. 11.18

._______________________________________________________________________

இலங்கை நெருக்கடி: "தமிழ் அரசியல் சக்திகள் ஒருமித்து செயற்பட வேண்டும்"

- தொல். திருமாவளவன்


இலங்கையில் ஏற்பட்டிருக்கும் அரசியில் நெருக்கடி நிலைமையில் தமிழ் அரசியல் சக்திகள் ஒருமித்து செயல்பட வேண்டும் என யாழ்ப்பாணத்திற்கு வருகை தந்துள்ள விடthirumavalavanுதலை சிறுத்தைகள் கட்சியின் தலைவர் தொல். திருமாவளவன் கோரிக்கை விடுத்துள்ளார்.  தமிழ் மக்களின் நலன்களைக் கருத்தில் கொண்டு தாயகத்தை மீட்டெடுக்க வேண்டுமென்ற தொலைநோக்குப் பார்வையோடு, தமிழர்களின் தாயகத்தை மீட்க தமிழ் அரசியல் சக்திகள் ஒருங்கிணைந்து செயற்பட வேண்டுமென்பது விடுதலைச் சிறுத்தைகள் கட்சியின் வேண்டுகோள் எனவும் அவர் குறிப்பிட்டுள்ளார். யாழ்ப்பாணத்திற்கு வருகை தந்துள்ள திருமாவளவன், யாழ் கனகரத்தினம் மத்திய மகா வித்தியாலத்தில் மரங்கள் நாட்டும் நிகழ்வில் கலந்து கொண்டிருந்தார். பாடசாலையின் அதிபர் தலைமையில் நடைபெற்ற இந்நிகழ்வில் வடக்கு மாகாண முன்னாள் முதலமைச்சருடன் இணைந்து மரங்களையும் நட்டு வைத்தார். "தமிழ் தேசிய பசுமை இயக்கத்தின் நிகழ்வில் கலந்து கொள்வதற்காக வந்திருக்கின்றேன். கார்த்திகை மாதம் முழுவதும் மரங்களை நாட்டுகின்றதையும் மரங்கள் வழங்குவதையும் பசுமை இயக்கம் செய்த வருகின்றது   (மேலும்)  12. 11.18

._______________________________________________________________________

பறித்தெடுக்கப்பட்ட ஆட்சியை மீண்டும் ஒப்படைப்பதற்கு தயாரில்லை: ரவூப் ஹக்கீம்

பலவந்தமாக பறித்தெடுக்கப்பட்ட ஆட்சியை மீண்டும் அவர்களிடமே ஒப்படைப்பதற்கு நாங்கள் தயாரில்லை. ஜனாதிபதிக்கு பிடிக்காவிட்டால் தொடர்ந்து பிரதமரை மாற்றிக்rauf hakkeem111118கொண்டே இருப்பார். இந்நிலையில், பாராளுமன்றம் கலைக்கப்பட்டதற்கு எதிராக நாளை (12) உயர் நீதிமன்றத்தை நாடவுள்ளோம் என்று ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம் தெரிவித்தார்.   ஸ்ரீலங்கா முஸ்லிம் காங்கிரஸ் தலைமையகம் தாருஸ்ஸலாமில் இன்று ஞாயிற்றுக்கிழமை (11) நடைபெற்ற கட்சியின் மக்கள் பிரதிநிதிகளுடனான கலந்துரையாடலின்போதே ரவூப் ஹக்கீம் இவ்வாறு தெரிவித்தார்.அங்கு தொடர்ந்து உரையாற்றிய ரவூப் ஹக்கீம் மேலும் கூறியதாவது; ஜனாதிபதி மைத்திரிபால சிறிசேன சட்டத்துக்கு முரணான வகையில் பிரதமரை நீக்கிவிட்டு, புதிய பிரதமரை நியமித்துள்ளார். தான் செய்த தவறை மூடிமறைப்பதற்காக இன்னுமொரு தவறைச் செய்துள்ளார். இதன் காரணமாகவே பாராளுமன்றத்தை ஒத்திவைத்து, பின்னர் அவசர அவசரமாக அதைக் கலைத்துள்ளார். (மேலும்)  12. 11.18

._______________________________________________________________________

மெல்பனில் தமிழக படைப்பாளி

தமிழச்சி தங்கபாண்டியனுடன் இலக்கிய சந்திப்பு

அவுஸ்திரேலியத் தமிழ் இலக்கிய கலைச்சங்கத்தின் ஏற்பாட்டில் தமtamilichiிழக எழுத்தாளரும்  இலக்கிய ஆய்வாளருமான தமிழச்சி தங்கபாண்டியன் கலந்துகொள்ளும் இலக்கியச்சந்திப்பு மெல்பனில்,  வேர்மண் தெற்கு சமூக மண்டபத்தில், எதிர்வரும் 25 ஆம் திகதி ( 25-11-2018) ஞாயிற்றுக்கிழமை மாலை 5.00 மணிக்கு நடைபெறும். மஞ்சனத்தி, வனப்பேச்சி,  எஞ்சோட்டுப்பெண், சொல் தொடும் தூரம், நிழல் வெளி, பேச்சரவம் கேட்டிலையோ, பாம்படம், மயிலிறகு மனசு, மண்வாசம் முதலான நூல்களை எழுதியிருக்கும் தமிழச்சி தங்கபாண்டியன் அவுஸ்திரேலியாவில் புகலிடத்தமிழர்களின் கலை, இலக்கிய  வெளிப்பாடுகளை ஆராய்ந்து முனைவர் பட்டம் பெற்றவர். அரங்கச்செயற்பாடுகளிலும் ஈடுபாடுள்ளவர்.நடைபெறவுள்ள இலக்கியச்சந்திப்பில் தமிழச்சி தங்கபாண்டியனின் நிழல் வெளி நூலும் அறிமுகப்படுத்தப்படும்.கலை, இலக்கிய ஆர்வலர்கள் அழைக்கப்படுகின்றனர்.

._______________________________________________________________________

ஏழு தமிழர்களின் விடுதலை பரிந்துரை கடிதம் தொடர்பில் வெளியாகியுள்ள தகவல்

ரஜீவ் காந்தி கொலைக் குற்றச்சாட்டில் சிறைத்தண்டனை அனுபவித்துவரும் பேரறிவாளன் உள்ளிட்ட 7 பேரின் விடுதலை தொடர்பில் தமிழக அரசாங்கத்தினால் அRajiv murders2னுப்பிவைக்கப்பட்ட விடுதலை பரிந்துரை கடிதத்தை, இந்திய குடியரசுத் தலைவருக்கு அனுப்பப்படாமல் நிராகரிக்கப்பட்டமை தெரியவந்துள்ளது.   தகவல் அறியும் உரிமை சட்டத்தின் மூலம் இந்த விடயம் கண்டறியப்பட்டுள்ளது. பேரறிவாளன் உள்ளிட்ட ஏழு பேரையும் விடுதலை செய்யுமாறு இந்திய குடியரசுத் தலைவரை கோரி, தமிழக அரசாங்கத்தினால் கடந்த 2016 ஆம் ஆண்டு மார்ச் மாதம் கடிதம் ஒன்று அனுப்பிவைக்கப்பட்டது.  குறித்த கடிதத்திற்கு இந்த வருடம் ஏப்ரல் 18 ஆம் திகதி இந்திய உள்துறை அமைச்சினால் பதில் கடிதம் அனுப்பிவைக்கப்பட்டிருந்தது. அதில், ரஜீவ் காந்தி உள்ளிட்ட 15 பேரை கொலை செய்ததாக தீர்ப்பு வழங்கப்பட்டுள்ள ஏழு பேரையும் விடுவித்தால், அது தவறான முன்னுதாரணமாக அமையும் என கூறி கோரிக்கை நிராகரிக்கப்பட்டிருந்தது.   . (மேலும்)  12. 11.18

._______________________________________________________________________

வெள்ளத்தினால் பாதிக்கப்பட்ட  மக்களுக்கு உதவியது பற்றிய உண்மைக்கு புறம்பான செய்திக்கு ஆட்சேபனை

கிளிநொச்சியில் கடந்தவாரம்   பெய்த மழை காரணமாக ஏற்பட்ட பாதிப்பினை தொடர்ந்து பாதிக்கப்பட்ட மக்களுக்கு  உடனடியாக குடிநீர் பிஸ்கட் மற்றும் மதியமkarach் சமைத்த உணவுகள் என்பவற்றை வழங்கியிருந்தோம். அத்தோடு படையினரும் மக்களுக்கு சமைத்த உணவுகளை வழங்கியிருந்தார்கள்.   கரைச்சி பிரதேச சபைக்கு எங்களை  தெரிவு செய்த பிரதேசம் வெள்ளத்தினால் நாம் அதிக  கவனம் எடுத்து தொடர்ந்தும் உதவிகளை மேற்கொண்டோம். ஆனால் நேற்று(10) தமிழ் வின் எனும் இணையத்தளத்தில்   பிரதேச சபை உறுப்பினர்கள்  சமைத்த உணவுகள் வழங்கி உதவவில்லை என்றும்  இாாணுவமே இரத்தினபுரம் மக்களுக்கு உணவுகள் வழங்கியதாக மிகவும் உண்மைக்குப் புறம்பான செய்தியை  குறித்த இணையத்தளம் வெளியிட்டிருப்பது ஆச்சிரியமளிக்கிறது.குறித்த முற்றிலும் உண்மைக்குப் புறம்பான செய்திக்கு எமது ஆட்சேபனையை தெரிவிக்கின்றோம் என கரைச்சி பிரதேச சபையின்  உறுப்பினர்களான தா.ரஜனிகாந், மற்றும் ஐ.மோகன்ராஜ்  ஆகியோர் தெரிவித்துள்ளனர்.

._______________________________________________________________________

 பொதுஜன பெரமுனவில் இணைந்தார் பிரதமர் மஹிந்த ராஜபக்ஸ

பிரதமர் மிந்த ராஜபக்ஸ, பொதுஜன பெரமுன கட்சியின் உறுப்பினராக இணைந்துகொண்டார்.கொழும்பு, விஜேராம மாவத்தையிலுள்ள அவரது இல்லத்தில் இந்த நிகழ்வு நடைபெற்றது. இதன்போது, பொதுஜன பெரமுனவின் தவிசாளர், பேராசிரியர் ஜீ.எல். பீரிஸ் உள்ளிட்டோர் கலந்துகொண்டிருந்தமை குறிப்பிடத்தக்கது.  அத்தோடு, மஹிந்தானந்த அளுத்கமகே, ரோஹித அபேகுணவர்தன, அநுர பிரயதர்ஷன யாப்பா, மஹிந்த யாபா அபேவர்தன, ஜொன்ஸ்டன் பெர்ணான்டோ, நாமல் ராஜபக்ஸ உள்ளிட்டோரும் ஶ்ரீலங்கா பொதுஜன பெரமுனவின் உறுப்பினர்களாக இணைந்துள்ளனர்.

._______________________________________________________________________

பிரான்ஸில் முதல் உலகப் போர் 100-ஆவது ஆண்டு நினைவு தினம்: உலகத் தலைவர்கள் பங்கேற்பு

முதல் உலகப் போர் நடைபெற்று 100 ஆண்டுகள் நிறைவடைவதையொட்டி பிரான்ஸ் தலைநகர் பாரீசில் அதற்கான நினைவுதினம் கடைபிடிக்கப்பட்டது. இதில், உலக நாடுகளfirstworldwarின் தலைவர்கள் பலர் பங்கேற்றனர்.
 1914-ஆம் ஆண்டு தொடங்கிய முதல் உலகப் போர் நான்கு ஆண்டுகளுக்கு பிறகு 1918-ஆம் ஆண்டு முடிவுக்கு வந்தது. சரியாக நூறாண்டுகளுக்கு முன்னர் 1918 நவம்பர் 11-ஆம் தேதி - நேசப் படைகளுக்கும், ஜெர்மனிக்கும் இடையே ஏற்பட்ட போர் நிறுத்த ஒப்பந்தத்தின் விளைவாக முதல் உலகப் போரின் குண்டுச் சத்தங்கள் ஓய்ந்தன. ஆனால், இந்தப் போரில் லட்சக் கணக்கானோர் உயிரிழந்தனர். முதல் உலகப் போர் நடைபெற்று ஞாயிற்றுக்கிழமையுடன் (நவ.11) 100 ஆண்டுகள் நிறைவடைந்ததையொட்டி பிரான்ஸ் தலைநகர் பாரீசில் நினைவு தின நிகழ்ச்சிகள் நடைபெற்றன.  இதில், அமெரிக்க அதிபர் டொனால்ட் டிரம்ப், ரஷிய அதிபர் விளாதிமீர் புதின் உள்ளிட்ட பல நாடுகளைச் சேர்ந்த முக்கிய தலைவர்கள் கலந்து கொண்டனர்.  1918 போர் நூற்றாண்டு நினைவுதின சதுக்கத்தில் ஞாயிற்றுக்கிழமை காலை 11 மணிக்கு (உள்ளூர் நேரம்) தொடங்கிய நிகழ்ச்சியில் பிரான்ஸ் அதிபர் இமானுவல் மேக்ரான் 20 நிமிடங்கள் உரையாற்றினார். . (மேலும்)  12. 11.18

._______________________________________________________________________

ஜனாதிபதியின் தீர்மானத்திற்கு எதிராக ரிஷாட் வழக்குத் தாக்கல் செய்ய முடிவு

நாட்டின் அரசியலமைப்பை மீறி பாராளுமன்றத்தை உரிய காலத்துக்கு முன்னதாக ஜனாதிபதி கலைத்துள்ளமைக்கு எதிராக அகில இலங்கை மக்கள் காங்கிரஸ் உயர் நீrizardதிமன்றத்தில் வழக்குத் தாக்கல் செய்ய முடிவு செய்துள்ளது. கட்சியின் பாராளுமன்ற உறுப்பினர்கள் ஐவரும் புனித மக்காவிலிருந்து நாடு திரும்பியவுடன் இந்த வழக்குத் தாக்கல் செய்யப்படுமெனவும் கட்சியின் பாராளுமன்றக்குழு புனித மக்காவில் கூடி இந்தத் தீர்மானத்தை மேற்கொண்டிருப்பதாகவும் மக்கள் காங்கிரஸ் தலைவர் ரிஷாட் பதியுதீன் தெரிவித்தார். அரசியலமைப்பை தமக்கேற்றாற் போன்று ஜனாதிபதி கையிலெடுத்து சட்டத்துக்கு முரணான முறையில், தாம் விரும்பியவாறு பாராளுமன்றத்தை கலைத்திருப்பதை தமது கட்சி வன்மையாகக் கண்டிக்கின்றது. மேலும் நாட்டின் உயர் சட்டமான அரசியலமைப்பில் நடைமுறையில் இருக்கும் பாராளுமன்றம் 4 1/2 வருடங்களுக்கு முன்னதாக கலைக்கப்படக் கூடாதென தெளிவாகக் குறிப்பிடப்பட்டுள்ளது.

._______________________________________________________________________

தேர்தல் ஆணையாளரின் அதிரடி முடிவு- செயலிழக்கின்றது சுயாதீன தேர்தல் ஆணையகம் ?


தேர்தல் ஆணையாளர் மகிந்த தேசப்பிரிய  சுயாதீன தேர்தல்கள் ஆணையகத்தின்  அதிகாரங்களையும் பொறுப்புகளையும் தேர்தல் ஆணையாளர் நாயகம் எம்பீசி பெரேரா என்பவelection commisionரிடம்  கையளித்துள்ளார்.சுயாதீன தேர்தல்கள் ஆணைக்குழுவின் உறுப்பினர்களான மகிந்த தேசப்பிரியவும் நளின் அபயசேகரவும் இது தொடர்பான அறிக்கையொன்றை வெளியிட்டுள்ளனர்.எனினும் சுயாதீன தேர்தல் ஆணையகத்தின் மூன்றாவது  உறுப்பினரான பேராசிரியர் ரட்ணஜீவன் கூல் இந்த அறிக்கையில் கையெழுத்திட மறுத்துள்ளார் என கொழும்பு டெலிகிராவ் தெரிவித்துள்ளது.மகிந்த தேசப்பிரிய நளின் அபயசேகரவை ஆணைகுழுவிலிருந்து இராஜினாமா செய்யுமாறு கேட்டுக்கொண்டார், பேராசியா இரட்ண ஜீவன் கூல் குறிப்பிட்ட அறிக்கையை ஏற்றுக்கொள்ளாததன் காரணமாக பதவி விலக தீர்மானித்துள்ளார் என  கொழும்பு டெலிகிராவ் குறிப்பிட்டுள்ளது.    (மேலும்)  12. 11.18

._______________________________________________________________________

கலைக்கப்பட்ட பாராளுமன்றம்.: காப்பாற்றப்படுமா ஜனநாயகம்?

 கருணாகரன்

எதிர்பார்க்கப்பட்டவாறே பாராளுமன்றம் கலைக்கப்பட்டுள்ளது. அடுத்த தேர்தலுக்கான அறிவிப்பும் வெளியாகியுள்ளது. இவை அரசியலமைப்பின்படி சட்டபூர்வமானவைpa1யா? அரசியல் நாகரீகமானவையா? என்ற வாதங்கள் தொடர்கின்றன.  ஆனாலும் நீண்டு கொண்டிருந்த ஆட்சியதிகாரம் தொடர்பான அரசியல் நெருக்கடியை முடிவுக்குக் கொண்டு வரும் விதமாக ஜனாதிபதி முடிவெடுத்திருக்கிறார். ஜனாதிபதி முடிவெடுத்தாலும் உயர்நீதிமன்றத்தின் முடிவுகளுக்குப் பிறகே தேர்தல் பற்றிச் சொல்ல முடியும் என்றிருக்கிறார் தேர்தல் ஆணையகத்தின் தலைவர் மகிந்த தேசப்பிரிய. தற்போது கிடைத்துள்ள தகவல்களின்படி ஜனாதிபதிக்கே தேர்தல் தொடர்பாக முடிவெடுக்கும் அதிகாரம் உள்ளதாக கூறப்படுகிறது. இதில் கவனிக்க வேண்டிய முக்கியமான சங்கதி ஒன்றுண்டு. கடந்த வாரங்களில் ஏற்பட்டிருந்த அரசியல் சூழலில் ஜனநாயகத்தை பேணும் வகையில் பாராளுமன்றத்தை உடனே கூட்டவேண்டும். பாராளுமன்றத்தில்தான் பிரதமரைக் குறித்த தீர்மானத்தை எடுக்க முடியும் என்ற தொனிப்பட ஐரோப்பிய ஒன்றியம் உள்ளிட்ட மேற்குலகம் அறிவுறுத்தியிருந்தது.   (மேலும்)  11. 11.18

._______________________________________________________________________

'பணச்சடங்கு'

ஆசி கந்தராஜா

நாகலிங்கம் மாஸ்டர் மனைவியுடன் சிட்னிக்கு வந்து மூன்று மாதமாகிறது. இதுஅவர்களது முதல் வருகை மட்டுமல்ல முதலாவது விமானப் பறப்பும்கூட. முப்பத்தைந்து வயதைத் ackதாண்டியும் திருமணமாகாமல் 'டிமிக்கி' விடும் மகனுக்கு, ஒரு கால்க்கட்டுப்போடும் வைராக்கியத்துடன் ஒரு வருஷ விசாவில் வந்திருக்கிறார்கள். நாகலிங்கம் மாஸ்டர் விரும்பியிருந்தால் ஆஸ்திரேலியாவுக்கு நிரந்தரமாகக் குடிபுகுந்து, தமிழ் மூத்த பிரசைகள் சங்கம், கலை இலக்கியப் பேரவை, தமிழர்கூட்டமைப்பு, இந்துக் கோவில்கள் என பல்வேறு தமிழ், சமூக, சமைய அமைப்புக்களின் தலைவராகியிருக்க முடியும். அந்த அளவுக்கு வல்லமையுள்ளமனுஷன்அவர். பயிற்றப்பட்ட ஆங்கில ஆசிரியராக வாழ்க்கையைத் துவங்கி படிப்படியாக உயர்ந்து, முதலாம் தர பாடசாலை அதிபராக பத்து வருடங்கள் ஊரில் பணிபுரிந்த பின்னர் இப்பொழுது ஓய்வு பெற்றிருக்கிறார். அவரது மனைவி பூமணி டீச்சரும் குறைந்தவரில்லை. ஆரம்ப பாடசாலை ஒன்றின் தலமை ஆசிரியர். அத்துடன் ஊரிலுள்ள மாதர் சங்கத்தின் நிரந்தர தலைவியும்கூட!  வன்னிச்சமர் உக்கிரமடைந்த காலத்தில் சிட்னிக்கு வந்த குமாரசுவாமி வாத்தியார் ஆஸ்திரேலியாவில் இப்பொழுது நிரந்தரப் பிரசை.    (மேலும்)  11. 11.18

._______________________________________________________________________

வெள்ளத்தினால் பாதிக்கப்பட்ட மக்களுக்கு வழங்கிய சமைத்த உணவில் முறைக்கேடு

கிளிநொச்சியில் கடந்த இரு சில  தினங்களாக பெய்த கடும் மழை காரணமான சில இடங்கள் வெள்ளத்தினால் மூழ்கியிருந்தது. இதனால் அப் பகுதிகளை சேர்ந்த மக்கள்  வீடுகளில் இருந்து வெளியேறி பொது சோக்கு மண்டபங்களில் தங்கியிருந்தனர்.   இவர்களுக்கு உடனடியாக சமைத்த உணவுகளை இராணுவத்தினரும், கரைச்சி பிரதேச சபை உறுப்பினர்  ரஜனிகாந்தும் வழங்கியிருந்தனர். இதனை   தொடர்ந்து மாவட்ட அனர்த்த முகாமைத்துவ பிரிவு  பாதிக்கப்பட்டு இடம்பெயர்ந்த மக்களுக்கு சமைத்த உணவுகளை வழங்குவற்கு ஒரு நபருக்கு ஒரு நாளைக்கு மூன்று வேளை உணவுக்காக 300 ரூபா வீதம் நிது ஒதுக்கப்பட்டு கிளிநொச்சியில் உள்ள கூட்டுறவு அமைப்பு ஒன்றிடம் ஒப்படைக்கப்பட்டிருந்தது. ஆனால் குறித்த கூட்டுறவு அமைப்பானது ஒதுக்கப்பட்ட நிதிக்கு அமைவாக உணவுகளை வழங்கவில்லை என  பாதிக்கப்பட்ட பொது மக்களும், பிரதேச அமைப்புகளும் கூட்டிக்காட்டியுள்ளன.  இரவு உணவாக அரை ராத்தல் பாண் பருப்பு கறி வழங்கப்பட்டுள்ளன. இதன் பெறுமதி 40 ரூபா  பின்னர் மறுநாள் காலை உணவாக இடியப்பம்  வழங்கப்பட்டுள்ளது அதன் பெறுமதி 60 ரூபா.   (மேலும்)  11. 11.18

._______________________________________________________________________

பாராளுமன்றம் கலைக்கப்பட்டமைக்கு எதிராக நீதிமன்றம் செல்வோம்

பாராளுமன்றம் கலைக்கப்பட்டமைக்கு எதிராக நீதிமன்றம் செல்ல எதிர்பார்ப்பதாக மக்கள் விடுதலை முன்னணி கூறியுள்ளது. இன்று கொழும்பில் இடம்பெற்ற ஊடகவியலாளர் சந்திப்பில் கலந்துகொண்ட அந்தக் கட்சியின் தலைவர் அநுரகுமார திசாநாயக்க இதனைக் கூறியுள்ளார். ஜனாதிபதி ஆரம்பம் முதலே அரசியலமைப்பை மீறி வருவதாக அவர் கூறியுள்ளார்.அந்தத் தேர்தலில் அவரது அரச அதிகாரத்தை உச்ச அளவில் பயன்படுத்தும் நோக்கிலேயே அமைச்சரவை செல்லுபடியாகும் என்று ஜனாதிபதி கூறியுள்ளதாகவும் அவர் தெரிவித்தார்.அரசியலமைப்பில் ஜனாதிபதிக்கு வழங்கப்படாத அதிகாரத்தின் மூலம் பாராளுமன்றத்தை மைத்திரிபால சிறிசேன கலைத்துள்ளதாக, அவர் கூறியுள்ளார். இது முற்றாக அரசியலமைப்புக்கு விரோதமானது என்று அநுரகுமார திசாநாயக்க கூறியுள்ளார்.

._______________________________________________________________________

தமிழ்நாடு முற்போக்கு எழுத்தாளர் கலைஞர்கள் சங்கம் நடத்திய சிறுகதைப்போட்டியில் அவுஸ்திரேலியா எழுத்தாளருக்கு முதல் பரிசு.

போடிமாலன்நினைவுசிறுகதைப்போட்டிமுடிவுகள் - 2018

2018 ஆம்ஆண்டு போடி மாலன் நினைவு சிறுகதைப் போட்டிக்கானபரிசுபெறும்கதைகளைத்தேர்வு செய்யும் இறுதிக்கட்டபணி அக்டோபர் 31அன்றுநடைபெற்றது. நடுவர்குழு தோழர்கள் ம.காமுத்துரை,  தேனிசீருடையான், அல்லிஉதயன் ஆகியோர் சிறந்தகதைகளை முதல் மூன்றுசுற்றுகளில் தேர்வுசெய்தனர். இறுதிச்சுற்றில் பரிசுக்குரிய கதைகளை தமிழ்நாடுமுற்போக்கு எழுத்தாளர் கலைஞர்கள் சங்கத்தின் மாநில துணைப்பொதுச்செயலாளர் எழுத்தாளர்.உதயசங்கர் அவர்களை தலைமையாகக் கொண்டு நடுவர்குழு இறுதிசெய்தது.     (மேலும்)  11. 11.18

._______________________________________________________________________

கஷோகியின் உடல் கழிவு நீருடன் வெளியேற்றம்? துருக்கி நாளிதழ் தகவல்


துருக்கியிலுள்ள சவூதி தூதரகத்தில் கொலை செய்யப்பட்ட செய்தியாளர் jamal6கஷோகியின் உடல், திரவத்தில் கரைக்கப்பட்டு, கழிவு நீருடன் வெளியேற்றப்பட்டிருக்கலாம் என்று துருக்கி ஊடகங்கள் தெரிவித்துள்ளன.  இதுகுறித்து அந்த நாட்டிலிருந்து வெளியாகும் "சாபா' நாளிதழ் சனிக்கிழமை தெரிவித்துள்ளதாவது: இஸ்தான்புலில் உள்ள சவூதி அரேபிய துணைத் தூதரகத்தில் கொல்லப்பட்ட செய்தியாளர் கஷோகியின் உடல், துண்டு துண்டாக வெட்டப்பட்டதாகவும், பிறகு அது அமிலத்தில் கரைக்கப்பட்டதாகவும் அதிகாரிகள் ஏற்கெனவே தெரிவித்துள்ளனர். தற்போது புதிதாகக் கிடைத்துள்ள தகவலின்படி, அமிலத்தில் கரைக்கப்பட்ட கஷோகியின் உடல் கழிவு நீருடன் கலந்து வெளியேற்றப்பட்டதாகத் தெரியவந்துள்ளது.  சவூதி துணைத் தூதரகத்தின் கழிவு மாதிரிகளை சேகரித்து அதிகாரிகள் சோதனை செய்தபோது, அதில் அமிலங்கள் இருந்தது கண்டறியப்பட்டது.  எனவே, கஷோகியின் கரைக்கப்பட்ட உடல், அந்த கழிவுகளுடன் சேர்த்து வெளியேற்றப்பட்டிருக்கலாம் என்று கருதப்படுகிறது என்று அந்த நாளிதழ் தெரிவித்துள்ளது.    (மேலும்)  11. 11.18

._______________________________________________________________________

நாமல் ராஜபக்ஷ பொதுஜன பெரமுனவில் இணைவதாக அறிவிப்பு

முன்னாள் பாராளுமன்ற உறுப்பினர் நாமல் ராஜபக்ஷ உடனடியாக அமுலுக்கு வரும் வகையில் ஶ்ரீலங்கா பொதுஜன பெரமுன கட்சியில் இணைவதாக தெரிவித்துள்ளார். தனது உத்தியோகபூர்வ டுவிட்டர் பக்கத்தில் அவர் இந்த விடயத்தைக் கூறியுள்ளார்.  எதிர்வரும் பொதுத் தேர்தலில் களமிறங்குவதற்காக ஜனாதிபதி மைத்திரிபால சிறிசே மற்றும் பிரதமர் மஹிந்த ராஜபக்ஷ தலைமையிலான் கூட்டணி ஒன்றை ஏற்படுத்த உள்ளதாகவும் அவர் கூறியுள்ளார். எதிர்வரும் பொதுத் தேர்தல் வெற்றிக்காக பல கட்சிகள் இணைந்து இந்த கூட்டணி அமையவுள்ளதாக அவர் தெரிவித்துள்ளார்.

._______________________________________________________________________

ஆஸ்திரேலிய கத்திக் குத்து சம்பவம்: குற்றவாளியின் அடையாளத்தை வெளியிட்டது காவல்துறை


ஆஸ்திரேலியாவின் மெல்போர்ன் நகரில் கத்தித் தாக்குதல் நடத்திய நknife attackபரின் அடையாளங்களை விக்டோரியா மாகாண போலீஸார் வெளியிட்டுள்ளனர். இதுகுறித்து போலீஸார் கூறியதாவது: மெல்போர்ன் நகரில் வெள்ளிக்கிழமை கத்திக் குத்து தாக்குதல் நடத்தியவரின் பெயர் ஹஸன் காலிஃப் ஷைர் அலி ஆகும்.  அவர், சோமாலியா நாட்டிலிருந்து ஆஸ்திரேலியாவில் குடியேறியவர் ஆவார். அவர், கடந்த 1990-ஆம் ஆண்டு முதல் ஆஸ்திரேலியாவில் வசித்து வருவதாக கருதப்படுகிறது. இந்தத் தாக்குதல் தொடர்பாக, ஹஸன் காலிஃபின் இரு வீடுகளில் சோதனை செய்வதற்கான உத்தரவு பிறப்பிக்கப்பட்டுள்ளது. மேலும், ஹஸனின் மனைவியிடமும் இதுகுறித்து விசாரணை நடத்தப்பட்டது என்று போலீஸார் தெரிவித்தனர். மெல்போர்ன் நகரில், ரவ்ஸல் மற்றும் ஸ்வான்ஸ்டான் தெருக்களுக்கு இடையேயுள்ள போர்கே தெருவுக்கு கடந்த வெள்ளிக்கிழமை காரை ஓட்டி வந்த ஹஸன் காலிஃப், அந்தக் காரில் தீவைத்துவிட்டு அதிலிருந்து இறங்கினார்.     (மேலும்)  11. 11.18

._______________________________________________________________________

தாம் தேர்தலை எதிர்க்கொள்ள தயார்

நாடாளுமன்றம் கலைக்கப்பட்டமை தொடர்பில் பிரச்சினைகள் உள்ளபோதும் தாம் தேர்தலை எதிர்க்கொள்ள தயார் என ஐக்கிய தேசிய முன்னணியின் பிரதிநிதிகள் தெரிவித்துள்ளனர்.அலரிமாளிகையில் இன்று இடம்பெற்ற ஊடக சந்திப்பின்போது அவர்கள் இதனை குறிப்பிட்டுள்ளனர்.இதன்போது கருத்து வெளியிட்டுள்ள ஐக்கிய தேசியக் கட்சியின் முன்னாள் நாடாளுமன்ற உறுப்பினர் அஜித் பீ பெரேரா, நாடாளுமன்றம் கலைக்கப்பட்டமையானது அரசியலமைப்புக்கு விரோதமானது என குறிப்பிட்டார். எதிர்வரும் 14ஆம் திகதி நாடாளுமன்றில் பெரும்பான்மையை நிரூபிக்க முடியாமையை கருத்திற்கொண்டே நாடாளுமன்றம் கலைக்கப்பட்டுள்ளது.இது ஜனநாயகத்திற்கு விரோதமான செயலாகும் என அஜித் பீ பெரேரா தெரிவித்துள்ளார்.இதேநேரம், இந்த விடயங்கள் தொடர்பில் நாளை மறுதினம்  உயர்நீதிமன்றத்தை நாடவுள்ளதாக முன்னாள் நிதியமைச்சர் மங்கள சமரவீர குறிப்பிட்டுள்ளார்.இதேவேளை, ஐக்கிய தேசிய முன்னணியினர் இன்று தேர்தல்கள் ஆணைக்குழுவின் தலைவர் மஹிந்த தேசப்பிரியவை சந்தித்துள்ளனர். நாட்டின் தற்போதைய நிலைமைகள் குறித்து இதன்போது கலந்துரையாடப்பட்டதாக தெரிவிக்கப்பட்டுள்ளது.

._______________________________________________________________________

ரணில் பலவந்தமாக அலரிமாளிகையில் தங்கியுள்ளார்....!

முன்னாள் பிரதமர் ரணில் விக்ரமசிங்க அலரி மாளிகையை பலவந்தமாக கையகப்படுத்தியுள்ளார் என தெரிவித்து சில தொழிற்சங்கங்கள் இலஞ்ச ஊழல் ஆணைக்குழுவில் முறைபாடுகளை பதிவு செய்துள்ளன.சிற்றுண்டிச்சாலை உரிமையாளர்கள் சங்கம், உந்துருளி உரிமையாளர்கள் சங்கம், நுகர்வோர் உரிமைகளை பாதுகாக்கும் அமைப்பு, ஆகியன இந்த முறைப்பாட்டினை பதிவு செய்துள்ளதாக தெரிவிக்கப்பட்டுள்ளது.

._______________________________________________________________________

அரசியல் விபச்சாரிகள் மற்றும் நகைச்சுவை நடிகர்களிடம் நாங்கள் எங்கள் நாட்டை இழந்துவிட்டோம்

                                       லக்மல் ஹரிஸ்சந்திரா

நான் எனது பிரியமான நாட்டினை இழந்துவிட்டதைப் போல உணருகிறேன், இந்து சமுத்திரத்தில் ஒரு முத்தினைப்போலத் திகழும் இந்த நாட்டினை, ஒரு தெருவோரsrilanka citizenக் கடையைக்கூட நிருவகிக்கத் தகுதியற்றவர்களிடம் ஒப்படைத்த முட்டாள்தனத்தினை ஏற்றுக்கொள்வதற்கு இன்னும் என்னால் முடியவில்லை. துரதிருஷ்டவசமாக ஜனநாயகம் என்கிற பெயரால், வெவ்வேறு கட்சிகளின் கூட்டணி ஒன்று மோசமான அரசியல் விளையாட்டை நடத்தி அதை குழப்பத்தில் தள்ளிவிட்டுள்ளது. சமீபத்தைய அரசியல் நெருக்கடியுடன் நாடானது ஆழமான அரசியல் முறிவான யுகத்துக்குள் திரும்பவும் பிரவேசிக்கிறது, சர்வாதிகாரத்தை வளர்த்துவிட்ட காலநிலை மற்றும் கடந்த காலத்தின் அனைத்து மோசமான துஷ்பிரயோக வேலைத்திட்டம் ஆகிய அனைத்தும் புதுப்பிக்கப்படலாம். நான் ஒரு தொழில்முறை எழுத்தாளன் இல்லை ஆனால் எனது ஏமாற்றம் மற்றும் விரக்தி என்பனவற்றின் காரணமாக நான் எனது சிந்தனைகளை வெளிப்படுத்துவதை தெரிவு செய்தேன் மற்றும் நெறிகெட்ட எங்கள் விபச்சார அரசியல் நடவடிக்கை மற்றும் காமெடியன்கள் மற்றும் மாடுமேய்ப்பவர்களைப் போன்றவர்களினால் எங்களது அரசியல் கலாச்சாரத்துக்கு ஏற்பட்டுள்ள ஊழல் என்பனவற்றுக்கு எதிராகப் எதிர்த்து எழவேண்டும் என்று எனது சக நாட்டுக்காரனை தூண்டிவிடவும் எண்ணினேன்.   (மேலும்)  10. 11.18

._______________________________________________________________________

தென்னிலங்கையில் மிஞ்சிய நீர்  கிளிநொச்சிக்கு கொண்டுவரப்படும்

 - அமைச்சர் டக்ளஸ் தேவானந்தா

தென்னிலங்கையில் மிஞ்சிய நீர் கிளிநொச்சிக்கு கொண்டு வரப்பட்டு கிளி நொச்சியில் மூன்று போக பயிர்ச்செய்கை மேற்கொள்ளப்படும் நிலைமையை  உருவாக்குவோம்douglas-kilinochchi  என  மீள்குடியேற்றம், புனர்வாழ்வு, வடக்கு அபிவிருத்தி மற்றும் இந்துசமய விவகார அமைச்சர் டக்ளஸ்  தேவானந்தா தெரிவித்துள்ளார். இன்றைய தினம்்(09) கிளிநொச்சி கூட்டுறவாளர் மண்டபத்தில் புனர்வாழ்வு அதிகார சபையினால் நட்டஈடு வழங்கும் நிகழ்வில்  முதன்மை  விருந்தினராக கலந்துகொண்டு கருத்து  தெரிவிக்கும் போதே  அவர் இவ்வாறு குறிப்பட்டுள்ளார் அங்கு அவர் மேலும் தெரிவிக்கையில் மகாவலி வேலைத்திட்டம் பற்றி கடந்த காலத்தில் பேசப்பட்டது அதில் பல்வேறு கருத்துக்கள் பரப்பட்டது.  குடியேற்றம் தொடர்பில் கூறப்பட்டது எனவே அதில் சிலவற்றில் உண்மைகளும் இருக்கலாம்  ஆனால் பெரும்பாலனவை அரசியல்  நோக்கங்களுக்காக  பரப்பட்டக் கருத்துக்களாகும் எனத் தெரிவித்த அமைச்சர்  ஒருவிநாடி கிடைத்தாலும் அந்த ஒரு நொடிப்பொழுதையும் நான் எமது மக்களின் நலனுக்காகவே நிச்சயம் பயன்படுத்துவேன்.    (மேலும்)  10. 11.18

._______________________________________________________________________

குகேந்திரன் யாழ்மாநகர சபையில் அங்கம் வகிக்க முடியாது என நீதிமன்றம் தீர்ப்பு


ஈழ மக்கள் ஜனநாயகக் கட்சியின் யாழ்ப்பாணம் மாநகர சபைக்குத் தேர்வான உறுப்பினர் கே.வி.குகேந்திரன் இரட்டைப் பிரஜா உரிமை கொண்டமையினால் மாநகர சபையில் அங்கம் வகிக்க முடியாது என மேன்முறையீட்டு நீதிமன்றம் தீர்ப்பளித்தது. தமிழ்த் தேசியக் கூட்டமைப்பின் மாநகர சபை உறுப்பினர் ந.லோகதயாளனினால் மேன்முறையீட்டு நீதிமன்றில் தாக்கல் செய்யப்பட்டிருந்த வழக்கிற்கு அமைய இந்த உத்தரவு பிறப்பிக்கப்பட்டுள்ளது.   யாழ்ப்பாணம் மாநகர சபையில் அங்கம் வகிக்கும் குகேந்திரன் இரட்டைப் பிரஜா உரிமை கொண்டவர் என்ற அடிப்படையில் உள்ளூராட்சி மன்றங்களில் அங்கம் வகிக்க முடியாது என்ற காரணத்தினால் குகேந்திரனின் மாநகர சபை உறுப்புரிமை செல்லுபடியற்றது என தேர்தல் ஆணையகத்திற்கு உத்தரவிடக்கோரி மாநாகர சபை உறுப்பினர் லோகதயாளனினால் இந்த வழக்கு தாக்கல் செய்யப்பட்டிருந்தது.    (மேலும்)  10. 11.18

._______________________________________________________________________

அவுஸ்திரேலியத் தமிழ் இலக்கிய கலைச்சங்கத்தின்   நிருவாகிகள் தெரிவு

அவுஸ்திரேலியத் தமிழ் இலக்கிய கலைச்சங்கத்தின் வருடாந்த ஆண்டுப்பATLAS Logo01ொதுக்கூட்டம் கடந்த 4 ஆம் திகதி ஞாயிறன்று மெல்பனில்  Keysborough Secondary College மண்டபத்தில் சங்கத்தின் தலைவர் திரு. சங்கர சுப்பிரமணியன் தலைமையில் நடைபெற்றது. சங்கத்தின் 2017 - 2018 காலப்பகுதியில் சங்கம் மேற்கொண்ட பணிகளை விபரிக்கும்  ஆண்டறிக்கையை செயலாளர் மருத்துவர் நடேசன் சமர்ப்பித்தார்.அதனையடுத்து, நிதியறிக்கையை நிதிச்செயலாளர் முருகபூபதி சமர்ப்பித்தார். சங்கத்தின் நிதிநிலைமையை கருத்தில்கொண்டு உறுப்பிர்களிடம் நன்கொடைகளை பெறவேண்டும் என்று திரு. ந. சுந்தரேசனும், மீண்டும் சங்கத்தில் ஆயுள்கால உறுப்பினர்களை இணைக்கும் வகையில் அமைப்புவிதிகளில் திருத்தம் கொண்டுவரவேண்டும் என்று திரு. இராஜரட்ணம் சிவநாதனும் யோசனைகளை முன்வைத்தனர். (மேலும்)  10. 11.18

._______________________________________________________________________

தமிழ் அரசியல் கட்சிகளுடன் இணைந்து செயற்பட நாங்கள் தயாராகவுள்ளோம் ஆனால் அவர்கள் தங்கள் சொந்த சமூகத்துடனேயே சேர்ந்து செயற்படவில்லை

- நாமல்ராஜபக்ச

தமிழ் தேசிய கூட்டமைப்பு தமிழ் மக்களை பிரதிநிதித்துவம் செய்யவில்namal Rajapakhaலை என நாடாளுமன்ற உறுப்பினர் நாமல் ராஜபக்ச தெரிவித்துள்ளார். இந்தியா டுடேயின் கீதா மோகனிற்கு வழங்கிய பேட்டியில் அவர் இதனை தெரிவித்துள்ளார்  14 ம் திகதி நம்பிக்கையில்லா பிரேரiணையை விவாதத்திற்கு எடுத்துக்கொள்ளமாட்டோம் எனவும் அவர் குறிப்பிட்டுள்ளார். பாராளுமன்றம் மீண்டும் கூடும்போது நம்பிக்கையில்லா தீர்மானத்தை எதிர்கொள்ளவேண்டிய நிலையேற்பட்டால் அதனை எதிர்கொள்வதற்கு அவசியமான பலம் எங்களிடம் உள்ளது எனவும் நாமல் ராஜபக்ச தெரிவித்துள்ளார். போதியளவு ஆதரவு உள்ளது என தெரிந்த பின்னரே நாங்கள் இநத தீர்மானத்தை எடுத்தோம் என குறிப்பிட்டுள்ள நாமல் ராஜபக்ச 14 ம் திகதி நம்பிக்கையில்லா பிரேரiணையை விவாதத்திற்கு எடுத்துக்கொள்ளமாட்டோம் எனினும் தேவைப்பட்டால் எங்கள் பலத்தை நிரூபிக்க நாங்கள் தயார் எனவும் குறிப்பிட்டுள்ளார். பிரதமராக ரணில் விக்கிரமசிங்கவை ஏற்கப்போவதில்லை என ஜனாதிபதி சிறிசேன தெளிவாக தெரிவித்துள்ளார் எனகுறிப்பிட்டுள்ள நாமல் ராஜபக்ச யார் பிரதமர் என்பதை தீர்மானிப்பதற்கான அதிகாரத்தை அரசமைப்பு சிறிசேனவிற்கு வழங்கியுள்ளது எனவும் தெரிவித்துள்ளார்.     (மேலும்)  10. 11.18

._______________________________________________________________________

பாதுகாப்பு படைகளின் பிரதானியை கைது செய்ய மீண்டும் உத்தரவு

பாதுகாப்பு படைகளின் பிரதானி அட்மிரல் ரவீந்திர விஜயகுணரட்னவை கைது செய்து நீதிமன்றில் ஆஜர்படுத்துமாறு கொழும்பு கோட்டை நீதவான் நீதிமன்றம் குற்றப் புலனாய்வுத் திணைக்களத்திற்கு உத்தரவிட்டுள்ளது. கோட்டை நீதவான் நீதிமன்ற நீதவான் ரங்க திசாநாயக்க இந்த உத்தரவை பிறப்பித்ததாக  நீதிமன்ற செய்தியாளர் கூறியுள்ளார். ரவீந்திர விஜயகுணரட்ன மீதான குற்றச்சாட்டுக்கு அமைய அவரை கைது செய்து நீதிமன்றில் ஆஜர்படுத்தும் முழு அதிகாரமும் சம்பவம் தொடர்பில் விசாரணை செய்யும் பொலிஸ் பரிசோதகர் நிசாந்த சில்வாவுக்கு இருப்பதாக நீதவான் உத்தரவிட்டுள்ளார். நீதிமன்றம் வழங்கியுள்ள உத்தரவை செயற்படுத்த தவறினால் அவருக்கு எதிராக குற்றவியல் சட்டத்தின் கீழ் 216 மற்றும் 185ம் சரத்தின் கீழ் நடவடிக்கை எடுப்பதாக நீதவான் ரங்க திசாநாயக்க உத்தரவிட்டுள்ளார். 2008 ஆம் ஆண்டு கொழும்பில் 11 இளைஞர்கள் கடத்தப்பட்டு காணாமற் போன சம்பவம் தொடர்பில் சந்தன பிரசாத் ஹெட்டியாராச்சி எனும் நேவி சம்பத் நீதிமன்றில் ஆஜராகாமல் இருப்பதற்கு உதவி ஒத்தாசை புரிந்ததாக பாதுகாப்பு படைகளின் பிரதானி அட்மிரல் ரவீந்திர விஜயகுணரட்ன மீது குற்றம் சுமத்தப்பட்டுள்ளது.

._______________________________________________________________________

இலங்கை நாடாளுமன்றம் கலைப்பு:  ஜனாதிபதி  சிறீசேனா  உத்தரவு

முடக்கப்பட்டிருந்த இலங்கை நாடாளுமன்றம் வரும் 14-ஆம் தேதி கூடும் என்று எதிர்பார்க்கப்பட்ட நிலையில், ஜனாதிபதி  சிறீசேனா வெள்ளிக்கிழமை இரவு, நாடாSRISENAளுமன்றத்தை திடீரென கலைத்து உத்தரவிட்டார். அதற்கான அறிவிக்கையில் அவர் கையெழுத்திட்டுள்ளதாக அதிகாரப்பூர்வத் தகவல்கள் தெரிவிக்கின்றன. இந்த உத்தரவு உடனடியாக அமலுக்கு வந்திருப்பதாக இலங்கை அரசு தொலைக்காட்சி தெரிவித்துள்ளது. இதன் மூலம் 225 உறுப்பினர்களைக் கொண்ட இலங்கை நாடாளுமன்றத்தின் பதவிக் காலம் இரண்டாண்டுகளுக்கு முன்பே முடிவுக்கு வந்துள்ளது.  அவையில் பெரும்பான்மையை நிரூபிக்க பிரதமர் ராஜபட்சவுக்கு போதிய பலம் இல்லாததால்தான் இந்த முடிவை  ஜனாதிபதி  எடுத்துள்ளதாகக் கூறப்படுகிறது.  முன்னதாக, இந்தக் கருத்தை ராஜபட்சவுக்கு நெருக்கமானவரும், நாடாளுமன்ற எம்.பி.யுமான கெஹெலியா ராம்பெக்வெல்லாவும் உறுதிபடுத்தியிருந்தது குறிப்பிடத்தக்கது.+ இலங்கை அரசியலில் அனுதினமும் அதிரடி திருப்பங்கள் அரங்கேறி வரும் நிலையில், அவற்றில் உச்சமாக தற்போது நாடாளுமன்றமே கலைக்கப்பட்டிருப்பது உலக நாடுகளின் மொத்த கவனத்தையும் ஈர்க்கும் நிகழ்வாக அமைந்துள்ளது.    (மேலும்)  10. 11.18

._______________________________________________________________________

ஐரோப்பிய ஒன்றியத்தின் விஷேட அறிக்கை

இலங்கையில் ஏற்பட்டுள்ள அரசியல் நெருக்கடியைப் போக்குவதற்காக பாராளுமன்றத்தை கூட்டியவுடன், பெரும்பான்மையை நிரூபிப்பதற்கான வாக்கெடுப்பை நடத்துமாறு, europa unionஐரோப்பிய ஒன்றியம் இலங்கையிடம் கோரிக்கை விடுத்துள்ளது.இலங்கைக்கான ஐரோப்பிய ஒன்றியத்தின் தூதுவர், பிரான்ஸ், ஜேர்மனி, இத்தாலி, நெதர்லாந்து, ருமேனியா ஆகிய நாடுகளின் தூதுவர்கள் மற்றும் ஐக்கிய இராச்சியத்தின் உயர் ஸ்தானிகள், நோர்வே மற்றும் சுவிட்சர்லாந்து தூதுவர்கள் இணைந்து கூட்டு அறிக்கை ஒன்றை வௌியிட்டுள்ளனர். தற்போது ஏற்பட்டுள்ள அரசியல் நெருக்கடி நிலையை நீக்குவதற்ககாக உடனடியாக பாராளுமன்றத்தை கூட்டுமாறும், உடனே பெரும்பான்மைக்கான வாக்கெடுப்பை நடத்துமாறும் கோரிக்கை விடுக்கப்பட்டுள்ளது. இது தாமதிக்குமானால் சர்வதேசத்தில் இலங்கைக்கு இருக்கின்ற நன்மதிப்புக்கு பாதிப்பு ஏற்படும் என்றும், முதலீட்டாளர்கள் இலங்கையை நாடுவதில் பாதிப்பை ஏற்படுத்தும் என்றும் அந்த சங்கம் தெரிவித்துள்ளது.

._______________________________________________________________________

உச்சநீதிமன்றத்தின் கருத்தை கோரிய பின்னரே தேர்தல்- மகிந்த தேசப்பிரிய

பாராளுமன்றம் கலைக்கப்பட்டமை குறித்த உச்சநீதிமன்றத்தின் கருத்தை தேர்தல் ஆணையாளர் மகிந்த தேசப்பிரிய கோரவுள்ளார். பாராளுமன்றம் கலைக்கப்பட்டமை குறித்த உச்ச நீதிமன்றத்தின் கருத்தை கோரிய பின்னரே அவர் பொதுத்தேர்தலை நடத்துவது குறித்து ஆராயவுள்ளார். பாராளுமன்றத்தை கலைப்பதற்கான உத்தரவில் கையெழுத்திட்டவேளை சிறிசேன அரசமைப்பின் 19 வது திருத்தத்தினை மீறி நடந்துள்ளார் என்ற கருத்துக்கள் வெளியாகிவரும் சூழ்நிலையிலேயே தேர்தல் ஆணையாளர் இதனை தெரிவித்துள்ளார்.ஜனாதிபதியின் இந்த நடவடிக்கை குறித்து சமூக ஊடகங்களில் கடும் விமர்சனங்கள் வெளியாகி வருகின்றன.

._______________________________________________________________________

இலங்கைத் தமிழர் ஒருவர் மதுரையில் கைது

பல்வேறு கொள்ளை சம்பவங்களுடன் தொடர்பு படுத்தப்பட்ட தமிழ்நாட்டில் ஏதிலியாக வசிக்கும் இலங்கைத் தமிழர் ஒருவர் மதுரையில் வைத்து கைது செய்யப்பட்டுள்ளார்.த ஹிந்து இதனைத் தெரிவித்துள்ளது. பி.சிவராஜன் என்ற 41 வயதான அவர் அணையூரில் வைத்து கைதானதாகவும் அவரிடம் இருந்து 336 சவரன் தங்க நகைகள் மீட்கப்பட்டதுடன், பல்வேறு கொள்ளை சம்பவங்கள் குறித்த வழக்குகள் தீர்க்கப்பட்டிருப்பதாகவும் காவற்துறையினர் தெரிவித்துள்ளனர்.  கடந்த 11 மாதங்களில் எஸ்.எஸ். கொலனி என்ற பகுதியில் 450 சவரன் தங்க நகைகள் களவாடப்பட்ட சம்பவங்கள் குறித்து முறைப்பாடுகள் பதிவாகி இருந்தன. இந்த தொடர் கொள்ளைகள் தொடர்பில் விசாரணை செய்வதற்காக மூன்று விசேடக் குழுக்கள் நியமிக்கப்பட்டிருந்தன. பின்னர் அவர் சீ.சீ.டி.வி கமராவின் சான்றுகள் அடிப்படையில் கடந்த 4ம் திகதி கைது செய்யப்பட்டுள்ளார்.90களில் அவருக்கு எதிராக 60 கொள்ளை குற்றச்சாட்டுகள் முன்வைக்கப்பட்டிருந்த நிலையில், 2007ம் ஆண்டு கைது செய்யப்பட்டு சிறையில் தடுத்துவைக்கப்பட்டார். பின்னர் விடுதலைப் பெற்று மீன்விற்பனையில் ஈடுபட்டுவந்தபோதும், மீண்டும் கொள்ளைகளை புரிந்து வந்திருப்பதாக காவற்துறையினர் தெரிவித்துள்ளனர்.

._______________________________________________________________________

வர்த்தகப் போர் பதற்றம்: அமெரிக்கா - சீனா இடையே மீண்டும் பேச்சுவார்த்தை

அமெரிக்காவுக்கும், சீனாவுக்கும் இடையே அதிகரித்து வரும் வர்த்தகப் போர் பதற்றத்தைத் தணிப்பதற்காக, அந்த இரு நாடுகளும் வெள்ளிக்கிழமை மீண்டும் china vs usaபேச்சுவார்தையைத் தொடங்கின. இதுகுறித்து தகவல்கள் தெரிவிப்பதாவது: சீன இறக்குமதிப் பொருள்கள் மீது அமெரிக்காவும், அதற்குப் பதிலடியாக அமெரிக்கப் பொருள்கள் மீது சீனாவும் கூடுதல் வரி விதிப்பை அறிவித்துள்ளதால் அதிகரித்து வரும் பதற்றைத் தணிப்பதற்கா இரு நாடுகளும் பல கட்டப் பேச்சுவார்த்தையில் ஈடுபட்டு வந்தன. எனினும், அண்மைக் காலமாக அந்தப் பேச்சுவார்த்தையில் தொய்வு ஏற்பட்டிருந்த நிலையில், அமெரிக்க வெளியுறவுத் துறை மைக்கேல் பாம்பேயோ மற்றும் பாதுகாப்புத் துறை அமைச்சர் ஜிம் மேட்டிஸ் ஆகியோர், சீனாவின் முக்கிய உயரதிகாரிகளுடன் வெள்ளிக்கிழமை ஆலோசனை நடத்தினர். ஆர்ஜென்டீனாவில் இந்த மாதம் 30-ஆம் தேதி நடைபெறவிருக்கும் ஜி-20 நாடுகளின் மாநாட்டில் அமெரிக்க அதிபர் டொனால்ட் டிம்ப்பும், சீன அதிபர் ஷி ஜின்பிங்கும் பங்கேற்கின்றனர். அப்போது, மாநாட்டின் இடையே இருவரும் சந்தித்துப் பேச்சுவார்த்தை நடத்தவிருக்கின்றனர். அதற்கு முன்னோட்டமாக, சீன அதிகாரிகளுடன் மைக்கேல் பாம்பேயேயும், ஜிம் மேட்டிஸும் ஆலோசனை நடத்தியுள்ளனர் என்று தகவல்கள் தெரிவிக்கின்றன.      (மேலும்)  10. 11.18

._______________________________________________________________________

பத்திரிகையாளர்கள் கொல்லப்படுவது முடிவுக்கு வரட்டும்.

 மணிகண்டன் தியாகராஜன்  |


உலகம் முழுவதும் செய்தியாளர்கள் படுகொலை செய்யப்படுவது அதிகரித்த வண்ணம் இருக்கிறது. ஒரு குறிப்பிட்ட சமூகத்துக்கு எதிராகவும், ஆளும் அரசுக்கும், ஆட்சி jamal5அதிகாரத்தில் இருப்பவர்களுக்கு எதிராகவும், பயங்கரவாத அமைப்புகளுக்கு எதிராகவும் கருத்துகளையும், செய்திகளையும் பதிவு செய்யும் செய்தியாளர்கள்தான் பெரும்பாலும் கொல்லப்படுகிறார்கள்.  கடந்த ஆண்டு கர்நாடகத்தைச் சேர்ந்த பத்திரிகையாளர்கள் கெற்ரி லங்கேஷ், நவீன் குப்தா, திரிபுராவைச் சேர்ந்த பத்திரிகையாளர்கள் சாந்தனு பெற்மிக், சுதீப் தத்தா பெற்மிக் ஆகியோர் கொல்லப்பட்டனர். இவர்களில் சாந்தனு பெற்மிக்கை தவிர மற்ற அனைவரும் துப்பாக்கியால் சுட்டுக் கொல்லப்பட்டார்கள். நிகழாண்டில் கடந்த மார்ச் மாதம் பிகார் மாநிலத்தைச் சேர்ந்த நவீன் நிஷ்சல், ஜூன் மாதம் "ரைஸிங் காஷ்மீர்' ஆங்கிலப் பத்திரிகையின் ஆசிரியர் சுஜாத் புகாரி ஆகியோர் கொல்லப்பட்டனர். இவர்களெல்லாம், சமூக விரோதச் செயல்கள், பயங்கரவாதம் ஆகியவற்றுக்கு எதிராக செய்திகளை பிரசுரித்தமைக்காகவும், செய்தி சேகரிக்கச் சென்றபோதும் கொல்லப்பட்டவர்கள்.    (மேலும்)  09. 11.18

._______________________________________________________________________

மைத்திரி - மஹிந்த அரசாங்கத்தை யாராலும் கவிழ்க்க முடியாது - வாசுதேவ

மஹிந்த ராஜபக்ஷவை பிரதமராகக் கொண்ட இந்த புதிய அரசாங்கமேvasudeva தொடரும். ஜனாதிபதி மைத்திரிபால சிறிசேன - மஹிந்தராஜபக்ஷ இணைந்து அமைத்துள்ள அரசாங்கத்தை யாராலும் கவிழ்க்க முடியாது. ஐக்கிய தேசிய கட்சி பெரும்பான்மையை நிரூபிப்பது அநாவசியமானது  என தேசிய நல்லிணக்கம் மற்றும் அரச கரும மொழிகள் அமைச்சர் வாசுதேவ நாணயக்கார தெரிவித்தார்.  தேசிய நல்லிணக்கம் மற்றும் அரச கருமமொழிகள் அமைச்சில் இன்று வியாழக்கிழமை  கடமைகளை பொறுப்பேற்றுக் கொண்ட போதே அவர் இதனை தெரிவித்தார். அங்கு அவர் மேலும் குறிப்பிடுகையில்,அரசாங்கம் தொடர்பான எந்தவொரு தீர்மானத்தை எந்தவொரு கட்சியும் எடுக்க முடியாது. காரணம் பாராளுமன்றம் அரசியலமைப்பிற்கு இணங்கவும், அரசாங்கம் ஜனாதிபதியின் அதிகாரத்திற்கு இணங்கவுமே செயற்படும். 14 ஆம் திகதி கூடவுள்ள பாராளுமன்ற அமர்வுக்கான ஒழுங்கு பத்திரம் தயாரிக்கப்படும். அதன்படியே அன்றைய அமர்வுகள் இடம்பெறும். இதனை சபாநாயகர் தீர்மானிப்பார் என்றார்.   (மேலும்)  09. 11.18

._______________________________________________________________________

வடக்கு, கிழக்கு அபிவிருத்திக்கான விசேட ஜனாதிபதி செயலணி

வடக்கு, கிழக்கு மாகாணங்களின் அபிவிருத்திக்காக ஜனாதிபதியினால் நியமிக்கப்பட்டுள்ள விசேட ஜனாதிபதி செயலணி நான்காவது தடவையாக ( 09) முற்பகலnorth-east் ஜனாதிபதி மைத்திரிபால சிறிசேன தலைமையில் ஜனாதிபதி அலுவலகத்தில் ஒன்று கூடியது.   நீண்ட காலமாக இடம்பெற்று வந்த யுத்தத்தினால் பின்னடைவுக்குள்ளாகியுள்ள வடக்கு, கிழக்கு மாகாணங்களின் அபிவிருத்தி நிகழ்ச்சித் திட்டங்களை துரிதப்படுத்தி அம்மக்களின் வாழ்க்கையை வளப்படுத்துவதற்காக ஜனாதிபதியினால் கடந்த ஆகஸ்ட் மாதம் இந்த விசேட ஜனாதிபதி செயலணி அமைக்கப்பட்டது.   கடந்த இரண்டு மாத காலமாக இச்செயலணி வடக்கு, கிழக்கு மாகாணங்களில் மிகவும் மும்முரமாக செயற்பட்டு வருவதுடன், அந்த நடவடிக்கைகள் நல்ல முன்னேற்றம் கண்டிருப்பதையிட்டு ஜனாதிபதி மகிழ்ச்சி தெரிவித்தார்.  இந்த நிகழ்ச்சித் திட்டங்களை மிகவும் பலமாக எதிர்காலத்திலும் நடைமுறைப்படுத்தவுள்ளதாக குறிப்பிட்ட ஜனாதிபதி, இதற்கான பொறுப்பை நிறைவேற்றுவதற்கு ஒன்றுபடுமாறு அனைத்து தரப்பினருக்கும் அழைப்பு விடுத்தார்.     (மேலும்)  09. 11.18

._______________________________________________________________________

தமிழ் கூட்டமைப்பு தம்மையும் ஏமாற்றி தமிழரையும் ஏமாற்றுகிறது

அரிய சந்தர்ப்பத்தை பயன்படுத்த வேண்டும்

பிரதியமைச்சர் வியாழேந்திரன்

தமிழ்த் தேசியக் கூட்டமைப்பு தம்மையும் ஏமாற்றி தமிழ் மக்களviyalendran3ையும் ஏமாற்றும் துர்ப்பாக்கிய நிலையிலேயே கடந்த காலங்களில் செயற்பட்டுள்ளதாகவும் யதார்த்தத்தை உணர்ந்து இம்முறை அரிய சந்தர்ப்பத்தை அவர்கள் பயன்படுத்திக்கொள்ள வேண்டும் என்றும் பிரதியமைச்சர் வியாழேந்திரன் தெரிவித்தார். ஒவ்வொரு முறையும் தாம் எதிர்க்கட்சியாக இருந்துகொண்டு எந்தவித நிபந்தனையோ ஒப்பந்தமோ இல்லாது மூன்றரை வருடங்களாக அனைத்துக்கும் கையுயர்த்தி ஆதரவு தெரிவித்ததே அவர்கள் செய்த காரியமாகும் என்றும் அவர் தெரிவித்தார். தமிழ்த் தேசியக் கூட்டமைப்பு நேற்று ஜனாதிபதி மைத்திரிபால சிறிசேனவைச் சந்தித்து தற்போதைய அரசியல் சூழ்நிலை தொடர்பில் பேச்சுவார்த்தை நடத்தியுள்ளன. இதன்போது தாம் ஏற்கனவே எடுத்த தீர்மானங்களிலிருந்து மாறப்போவதில்லையென அவர்கள் ஜனாதிபதியிடம் உறுதியாகத் தெரிவித்துள்ளனர். இது தொடர்பில் கருத்துத் தெரிவித்தபோதே பிரதியமைச்சர் வியாழேந்திரன் நேற்று இவ்வாறு தெரிவித்தார்.    (மேலும்)  09. 11.18

._______________________________________________________________________

அரசியல் நெருக்கடி தொடர்பில் நீதிமன்றத்தை நாட ரணில் விக்ரமசிங்க மறுப்பு

 நாட்டின் அரசியல் நெருக்கடி தொடர்பில் நீதிமன்றத்தை நாட ஐக்கிய தேசியக் கட்சியின் தலைவர் ரணில் விக்ரமசிங்க மறுப்பதாக ‘த ஹிந்து’ செய்தி வௌியிட்டுள்ளது . த ஹிந்து பranil.vத்திரிகைக்கு வழங்கிய பிரத்தியேக செவ்வியில், நாட்டின் மீயுயர் நீதிமன்ற அதிகாரம் பாராளுமன்றத்திற்கே இருப்பதாக ரணில் விக்ரமசிங்க குறிப்பிட்டுள்ளார். இதன் காரணமாக நீதிமன்றத்திற்கு இந்த விடயத்தை எடுத்துச்சென்றால், அது மீண்டும் பாராளுமன்றத்திற்கே அனுப்பப்படும் எனவும் ரணில் விக்ரமசிங்க குறிப்பிட்டதாக ‘த ஹிந்து’ செய்தியில் தெரிவிக்கப்பட்டுள்ளது. ஜனாதிபதி மைத்திரிபால சிறிசேனவுடன் செயற்படத் தாம் விரும்புவதாகவும் அதில் எவ்வித சிக்கல்களும் இல்லை எனவும் அவர் கூறியதாகவும் அந்த செய்தியில் கூறப்பட்டுள்ளது. தனிப்பட்ட பிரச்சினைகள் அரசியலமைப்பிற்கு தேவையற்ற ஒன்று என கூறியுள்ள ரணில் விக்ரமசிங்க, ஜனாதிபதியுடன் தமக்கு இணைந்து சேவையாற்ற முடியுமா என்ற கேள்வியை ஜனாதிபதியிடமே கேட்க வேண்டும் எனவும் குறிப்பிட்டுள்ளார்.பாராளுமன்றம் மீண்டும் கூட்டப்படுவது சிறந்த விடயம் என கூறியுள்ள ரணில் விக்ரமசிங்க, தனக்கு பெரும்பான்மையினரின் ஆதரவு உள்ளது என்பதை நிரூபிக்க முடியும் எனவும் தெரிவித்துள்ளார்.

._______________________________________________________________________

சிவசேனா அமைப்பின் கோரிக்கையை நிராகரித்த த.தே.கூட்டமைப்பு

தமிழ் தேசியக் கூட்டமைப்பின் ஊடக பேச்சாளர் எம்.ஏ சுமந்திரனை கட்சியில் இருந்து நீக்குவது தொடர்பான சிவசேனா அமைப்பின் கோரிக்கையை பரீசிலினைக்கு கூட எடுத்து கொள்ள போவதில்லை என வட மாகாண முன்னாள் அவைத்தலைவர் சீ.வி.கே சிவஞானம் தெரிவித்துள்ளார். யாழ்ப்பாணத்தில் இன்று இடம்பெற்ற செய்தியாளர் சந்திப்பில் கலந்து கொண்டு கருத்து வெளியிட்ட போதே அவர் இதனை குறிப்பிட்டார். இதேவேளை, நாடாளுமன்றத்தில் யாருக்கு ஆதரவளித்தாலும் தமிழ் மக்களுக்கு நன்மை பயக்கும் வகையிலான உறுதிமொழிகளை பெற்றுக் கொள்ள வேண்டும் என வடக்கு மாகாண முன்னாள் எதிர்கட்சி தலைவர் சின்னத்துரை தவராசா தெரிவித்துள்ளார்.யாழ்ப்பாணத்தில் இன்று நடாத்திய செய்தியாளர் சந்திப்பில் கலந்து கொண்டு கருத்து வெளியிட்ட போதே அவர் இதனை கூறினார்.

._______________________________________________________________________

வட மாகாண முன்னாள் முதலமைச்சர் சீ.வீ.விக்னேஸ்வரனினால் உயர்நீதிமன்றில் தாக்கல் செய்யப்பட்ட மேன்முறையீட்டு மனு  நிராகரிப்பு

வட மாகாண முன்னாள் முதலமைச்சர் சீ.வீ.விக்னேஸ்வரனினால் உயர்நீதிமன்றில் தாக்கல் செய்யப்பட்ட மேன்முறையீட்டு மனு இன்று நிராகரிக்கப்பட்டுள்ளது.vignes2   முன்னாள் வட மாகாண அமைச்சர் பா.டெனீஸ்வரன் பதவி நீக்கப்பட்டமைக்கு எதிராக மேன்முறையீட்டு நீதிமன்றில் அவரால் தாக்கல் செய்யப்பட்ட மனுவின் அடிப்படையில் குறித்த பதவி நீக்க கட்டளைக்கு எதிராக மேன்முறையீட்டு நீதிமன்றம் இடைக்கால தடை விதித்திருந்தது. அத்துடன் டெனீஸ்வரனை மீண்டும் அவர் வகித்த அமைச்சு பொறுப்பில் இருத்துமாறும் உத்தரவிடப்பட்டிருந்தது.  எனினும் இந்த உத்தரவை தமது அதிகார எல்லையை காரணம் காட்டி சீ.வி.விக்னேஸ்வரன் மறுத்து வந்ததுடன் அதற்கு சவால் விடுத்து உயர்நீதிமன்றில் மனுவொன்றை தாக்கல் செய்திருந்தார்.இந்த மனு இன்றைய தினம் ப்ரியன்த ஜயவர்த்தன, விஜித் மலல்கொட மற்றும் முர்து பெர்ணான்டோ ஆகிய நீதியரசர்கள் குழாமினால் விசாரணைக்கு எடுத்து கொள்ளப்பட்டது.   .     (மேலும்)  09. 11.18

._______________________________________________________________________

சர்கார் படத்தில் சர்ச்சைக்குரிய காட்சிகளை நீக்க தயாரிப்புத் தரப்பு ஒப்புதல் 

சென்னை: அதிமுகவினரின் கடும் எதிர்ப்பை அடுத்து சர்கார் படத்தில் சர்ச்சைக்குரிய காட்சிகளை நீக்க தயாரிப்புத் தரப்பு ஒப்புதல் அளித்துள்ளதாகத் தகவல் வெளியாகியுள்ளது. sarkar   ஏ.ஆர்.முருகதாஸ் இயக்கத்தில் விஜய் நடித்துள்ள படம் சர்கார். சன் பிக்சர்ஸ் நிறுவனம் தயாரித்துள்ள இந்தப் படத்துக்கு ஏ.ஆர்.ரஹ்மான் இசையமைத்துள்ளார். கீர்த்தி சுரேஷ், ராதாரவி, பழ.கருப்பையா, வரலட்சுமி சரத்குமார், யோகிபாபு ஆகியோர் முக்கிய வேடங்களில் நடித்துள்ளார்கள். இந்த படமானது தீபாவளி தினமான நவம்பர் 6 அன்று  வெளியாகியுள்ளது. விஜய்யின் அரசியல் பிரவேசத்திற்கு கட்டியம் கூறும் வகையில் படத்தில் சமகால அரசியலை விமர்சிக்கும் வகையில் அரசியல் கருத்துக்கள் தூக்கலாக இடம்பெற்றுள்ளதாகத் தெரிகிறது. இந்நிலையில் சர்கார் படத்தில் இடம்பெற்றுள்ள அரசை விமர்சிக்கும் வகையிலான சர்ச்சைக்குரிய காட்சிகளை நீக்க வேண்டும்; இலவசங்கள் வேண்டாம் என்பதை மக்களே ஏற்க மாட்டார்கள்; திரைப்படம் எடுக்கிறோம் என்ற பெயரில் சர்கார் படக்குழுவினர் வன்முறையைத் தூண்டும் வகையில் தீவிரவாதிகள் போன்று செயல்படுகின்றனர்.  (மேலும்)  09. 11.18

._______________________________________________________________________

இலங்கை தமிழரசு கட்சியில் இருந்து  இராஜினாமா செய்தார் விக்னேஸ்வரன்!


வடமாகாண முன்னாள் முதலமைச்சர் சி.வி.விக்னேஸ்வரன் இலங்கை தமிழரசு கட்சியில் இருந்து விலகுவதாக குறிப்பிட்டு கட்சித்தலைவரும் நாடாளுமன்ற உறுப்பினருமான மாவை சேனாதிராஜாவுக்கு கடிதமொன்றை வழங்கியுள்ளார்.யாழ்ப்பாணத்தில் அமைந்துள்ள தமிழ் தேசிய கூட்டமைப்பின் கட்சி அலுவலகத்திற்கு நேற்று வந்த அவர் இந்த கடிதத்தை தனக்கு வழங்கியதாக நாடாளுமன்ற உறுப்பினர் மாவை சேனாதிராஜா எமது செய்திப் பிரிவுக்கு தெரிவித்தார்.கடிதத்தை பெற்றுக்கொண்டதன் பின்னர் மாவை சேனாதிராஜா மற்றும் முன்னாள் முதலமைச்சருக்கு இடையில் சுமார் ஒரு மணிநேரம் நட்பு ரீதியான கலந்துரையாடல் இடம்பெற்றுள்ளதாக எமது செய்தியாளர் தெரிவித்தார்.இதன்போது , தான் உருவாக்கிய கட்சியான தமிழ் மக்கள் கூட்டணியில் எதிர்கால அரசியல் நடவடிக்கைகளை முன்னெடுக்கவுள்ளதாக முன்னாள் முதலமைச்சர் சி.வி.விக்னேஸ்வரன் தெரிவித்திருந்தார்.

._______________________________________________________________________

கனடா: யூதர்களிடம் மன்னிப்பு கேட்டார் ஜஸ்டின் ட்ரூடோ

இரண்டாம் உலகப் போரின்போது நாஜிக்களின் ஜெர்மனியிலிருந்து தப்பி 907 யூதர்கள் வந்த கப்பலை திருப்பியனுப்பியதற்காக, கனடா பிரதமர் ஜஸ்டின் ட்ரூடோ நாடாளுமன்றத்தில் மன்னிப்பு கேட்டார்.  ஹிட்லர் ஆட்சியின் கொடூரங்களிலிருந்து தப்பி, கனடாவில் அடைக்கலம் தேடி கடந்த 1939-ஆம் ஆண்டு கப்பலில் வந்த யூதர்கள் அனைவரையும், அப்போதைய கனடா அரசு திருப்பியனுப்பியது. அதனைத் தொடர்ந்து நாஜிக்களின் வதைமுகாம்களுக்கு அனுப்பப்பட்ட அவர்களில் 257 பேர் படுகொலை செய்யப்பட்டார்கள். இந்தச் சம்பவத்துக்குப் பொறுப்பேற்று, கனடா சார்பில் தற்போது ட்ரூடோ மன்னிப்பு கேட்டுள்ளார்.

._______________________________________________________________________

நூற்றுக்கணக்கான வாகனங்களுடன் ஐ.தே.க.வின் எதிர்ப்பு பேரணி ; அலரி மாளிகையிலிருந்தவாறு ரணில் கையசைப்பு

பாராளுமன்றில் பெரும்பான்மையை காட்டாது அரசியலமைப்புக்கு விரோதமான முறையில் செயற்பட்டு வரும் ஜனாதிபதி பாராளுமன்றை கலைப்பதற்கு நீதிமன்றத்தை நாranil-alariடியுள்ளதாக ஐக்கிய தேசிய கட்சி குற்றம் சாட்டுவதோடு, அதற்கு தாம் வன்மையாக எதிர்ப்பு தெரிவிப்பதாக கூறி இன்றைய தினம் எதிர்ப்பு வாகனம் பேரணியொன்றை ஏற்பாடுசெய்திருந்தது. கொழும்பு காலி முகத்திடலுக்கு முன்பாகவிருந்து இன்றைய தினம் மதியம் இரண்டு மணியளவில் ஆரம்பித்த இவ்வெதிர்ப்பு பேரணி மாலை நான்கு மணியளவில் சுதந்திர சதுக்கத்தில் நிறுவப்பட்டுள்ள டி.எஸ். சேனாநாயக்கவின் சிலைக்கு மலர் மாலை அணிவிப்பதுடன்  நிறைவுக்கு வந்தது.  ஐ.தே.க.வின் செயலாளர் அகில விராஜ் காரியவசத்தின் தலைமையின் கீழ் ஏற்பாடு செய்யப்பட்டிருந்த இப்பேரணியில்  பாராளுமன்றில் ஐக்கிய தேசிய கட்சியை பிரதிநிதித்துவப்படுத்தும் அனைத்து பாராளுமன்ற உறுப்பினர்களுக்கும் கலந்துகொண்டிருந்தனர். நூற்றுக்காண வாகன அணிவகுப்புடன் காலிமுகத்திடலிலிருந்து புறப்பட்டு கொள்ளுப்பிட்டி சுற்றுவட்டாரத்தை கடந்து அலரி மாளிகையினருகினால் பயணித்தது. இப்பேரணியானது அலரி மாளிகையினூடாக பயணிக்கையில் ஐ.தே.க.வின் தலைவர் ரணில் விக்கிரமசிங்க அலரி மாளிகையினுள் இருந்தவாறு பேரணிகாரர்களை நோக்கி கையசைத்த வண்ணமிருந்தார். இதனை அவதானித்த பேரணிகாரர்கள் தமது பிரதமர் ரணில் விக்கிரமசிங்க, அரசியலமைப்புக்குட்பட்ட தலைவர் அவரே, மக்களின் பிரதமர் ரணில் விக்கிரமசிங்கவே, தமது தலைவரை காப்பதோடு ஜனாநாயகத்தை நிலை நிறுத்தவே இப்போராட்டம் என கூச்சலிட்டனர்.

._______________________________________________________________________

 ராஜித சேனாரட்னவுக்கு எதிராக 14 ஆயிரம் கையொப்பங்கள்

முன்னாள் சுகாதார அமைச்சர் ராஜித சேனாரட்னவுக்கு எதிராக 14 ஆயிரம் கையொப்பங்கள் அடங்கிய ஆவணம் ஒன்றை அரச மருத்துவ அதிகாரிகள் சங்கம் ஜனாதிபதி மைத்திரிபால சிறிசேனவிடம் கையளித்துள்ளது. ஜனாதிபதி செயலாளர் ஊடாக நேற்றைய தினம் குறித்த ஆவணம் ஜனாதிபதியிடம் கையளிக்கப்பட்டதாக அரச மருத்துவ அதிகாரிகள் சங்கம் தெரிவித்துள்ளது. சுகாதார அமைச்சராக ராஜித சேனாரட்ன செயற்பட்டபோது பல்வேறு ஊழல் மோசடிகள் இடம்பெற்றுள்ளதாகவும் அது குறித்து விசாரணைகள் முன்னெடுப்பட வேண்டும் என்றும் கோரிக்கை விடுக்கப்பட்டுள்ளதாக அந்த சங்கத்தின் ஊடகப் பேச்சாளர் சமந்த ஆனந்த தெரிவித்துள்ளார்.

._______________________________________________________________________

பாராளுமன்றம் கலைக்கப்படும் எனும் தகவலில் உண்மையில்லை

பாராளுமன்றம் கலைக்கப்படவுள்ளதாக தெரிவிக்கப்படும் தகவலில் எவ்வித உண்மையும் இல்லை என அறிவிக்கப்பட்டுள்ளது. அரசாங்க தகவல் திணைக்களம்  வெளியிட்டுள்ள அறிவித்தலிலேயே இவ்வாறு தெரிவிக்கப்பட்டுள்ளது. ஒரு சில திட்டமிட்ட குழுக்களினால் இவ்வாறான உண்மைக்குப் புறம்பான  பிரச்சாரம் முன்னெடுக்கப்பட்டு வருவதாக தெரிவிக்கப்படுகின்றது.உண்மைக்கு புறம்பான மற்றும் எவ்வித அடிப்படையும் அற்ற இந்த பிரசாரத்தை அரசாங்கம் முற்றாக நிராகரிப்பதாக, திணைக்களம் பொதுமக்களுக்கு அறிவுறுத்தியுள்ளது.

._______________________________________________________________________

அநாகரிகம் பண்பாடாகிறது

எம்.எஸ்.எம். ஐயூப்


கடந்த மாதம் 26 ஆம் திகதி, ஜனாதிபதி மைத்திரிபால சிறிசேன, ரணில் விக்கிரமசிங்கவைப் பிரதமர் பதவியிலிருந்து நீக்கிவிட்டு, முன்னாள் ஜனாதிபதி மஹிந்த ராஜபக்‌mpsஷவைப் பிரதமராக நியமித்ததில் இருந்து, நாட்டில் நிலவி வரும் அரசியல் நிச்சயமற்ற தன்மை, இன்னமும் மாறவில்லை.   நாடாளுமன்றத்தில், தமக்கே பெரும்பான்மை பலம் இருப்பதாக, ரணில் விக்கிரமசிங்க கூறி வருகிறார். மஹிந்த அணியினரும், தமக்கே பெரும்பான்மை பலம் இருக்கிறது என்கின்றனர்.   ஆனால், மஹிந்த பிரதமராக நியமிக்கப்படும் போது, அவருக்குப் பெரும்பான்மை பலம் இல்லாத காரணத்தாலேயே, நாடாளுமன்றக் கூட்டத் தொடரை, ஜனாதிபதி ஒத்தி வைத்தார் என்பது, உலகமே அறிந்த உண்மை.  ஜனாதிபதி மைத்திரிபால, மஹிந்த ராஜபக்‌ஷவைப் பிரதமராக நியமித்த போதிலும், மஹிந்தவுக்கு நாடாளுமன்றத்தில் பெரும்பான்மை ஆதரவு, அதாவது 113 எம்.பிக்களின் ஆதரவு, இருக்கிறதா என்ற கேள்வி இன்றும் எழுப்பப்பட்டு வருகிறது.   (மேலும்)  08. 11.18

._______________________________________________________________________

திருகோணமலை மாவட்டத்தில் 1104 குடும்பங்கள் பாதிப்பு

தொடர்ந்து பெய்துவரும் கடும் மழை காரணமாக திருகோணமலை மாவட்டத்தில் பல கிராமங்களைச் சேர்ந்த 1104 குடும்பங்கள் பாதிக்கப்பட்டுள்ளதுடன் நூற்றுக் கணக்கான குflood in tringomaleடும்பங்கள் இடம்பெயர்ந்துள்ளன.  பாதிக்கப்பட்ட குடும்பங்களுக்கு சமைத்த உணவை வழங்கவும் அழிவு பதிவுகளை மேற்கொள்ளவும் திருகோணமலை அனர்த்த முகாமைத்துவ திணைக்களம் ஏற்பாடுகளை செய்துவருகிறது.   திருகோணமலை மாவட்டத்தில் கடந்த ஒருவார காலமாக பருவ மழை கடுமையாக தொடர்ந்து பெய்து வருகின்ற காரணத்தினால் கிண்ணியா, சேருவில, மூதூர், வெருகல், பட்டணமும் சூழலும் பிரதேசங்களைச் சேர்ந்த 997 குடும்பங்கள் பாதிக்கப்பட்டுள்ளதாக தெரிவிக்கப்படுகிறது. இதில் கிண்ணியாவில் 17, வீடுகளும் மூதூர் நகரப்பகுதியில் தலா ஒரு வீடுமாக 19, வீடுகள் கடுமையான சேதத்துக்கு உள்ளாகியுள்ளது என தெரிவிக்கப்படுகிறது. (மேலும்)  08. 11.18

._______________________________________________________________________

மகிந்தவிற்கு எதிரான நம்பிக்கையில்லா தீர்மானத்தின் மீது 14 ம் திகதி வாக்கெடுப்பு-சபாநாயகர் கருஜெயசூரிய

எதிர்வரும் 14ம் திகதி பாராளுமன்றம் கூடும்போது  பிரதமர் மகிந்த ராஜபக்சவிற்கு எதிரான நம்பிக்கையில்லா தீர்மானத்தை வாக்கெடுப்பிற்கு எடுப்பது  எKaru-Jayasuriya1ன சபாநாயகர் கருஜெயசூரிய தீர்மானித்துள்ளார் இன்று இடம்பெற்ற கட்சிதலைவர்களின் சந்திப்பில் ஐக்கியமக்கள் சுதந்திர கூட்டமைப்பின் பிரதிநிதிகள் கடும் எதிர்ப்பை வெளியிட்ட போதிலும் சபாநாயகர் இந்த தீர்மானத்தை எடுத்துள்ளார். எதிர்வரும் 14 ம் திகதி பாராளுமன்றத்தில் சம்பிரதாய அமர்வொன்று மாத்திரமே இடம்பெறவேண்டும் பாராளுமன்ற பாரம்பரியத்தினை பின்பற்றி அதனை அன்றைய தினம் ஒத்திவைக்கவேண்டும் என ஐக்கியமக்கள் சுதந்திரக்கூட்டமைப்பின் பிரதிநிதிகள் வேண்டுகோள் விடுத்துள்ளனர். எனினும் அன்றைய தினம் பாராளுமன்றத்தில்  விவாதங்கள் எதனையும் மேற்கொள்ள முடியாது என்ற சட்டமெதுவும் இல்லை என ஐக்கியதேசிய கட்சியின் பிரதிநிதிகள் வாதிட்டுள்ளனர்.இதேவேளை பாராளுமன்றத்தின் நிலையியல் கட்டளை சட்டத்தின் கீழ் சபாநாயகரே அதன் நிகழச்சி நிரலை தீர்மானிக்கவேண்டும் என ஏனைய கட்சிகள் தெரிவித்துள்ளன.    (மேலும்)  08. 11.18

._______________________________________________________________________

விக்னேஸ்வரன் கட்சியில் இருந்துவிலக்கப்படுகின்றார்

 

வடக்கு மாகாண முன்னாள் முதலமைச்சர் சீ.வி. விக்னேஸ்வரன் இலஙmavai canada்கைத் தமிழரசுக் கட்சியிலிருந்து விலகுவதாக கட்சித் தலைவர் மாவை சேனாதிராசாவிற்கு கடிதம் மூலம் அறிவித்துள்ளார்.   விக்னேஸ்வரன் தாம் விலகுவதாக கட்சிக்கு அறிவித்துள்ள நிலையிலும் புதிய கட்சியை ஆரம்பித்திருப்பதாலும் அவர் தாமாகவே கட்சியிலிருந்து விலகியதாகவே கருதப்படுவார் என்று தமிழரசுக் கட்சியின் தலைவர் மாவை சேனாதிராசா தெரிவித்துள்ளார். நீதியரசாராக இருந்த விக்னேஸ்வரன் கடந்த வடக்கு மாகாண சபைத் தேர்தலின் போது தமிழ்த் தேசியக் கூட்டமைப்பின் முதலமைச்சர் வேட்பாளராகக் கொண்டு வரப்பட்டிருந்தார்.  கூட்டமைப்பின் பங்காளிக் கட்சிகள் அனைத்தும் இணைந்து கொண்டு வந்து தமிழரசுக் கட்சியின் வீட்டுச் சின்னத்தில் போட்டியிட்டு வெற்றி பெற்றிருந்தார். இதனைத் தொடர்ந்து மாகாண சபையின் ஐந்து வருட ஆட்சிக் காலத்தின் இடையில் விக்னேஸ்வரனுக்கும் கூட்டமைப்பிற்கும் குறிப்பாக தமிழரசுக் கட்சியின் உறுப்பினர்களுக்குமிடையே முரண்பாடுகள் வலுவடைந்ததது.    (மேலும்)  08. 11.18

._______________________________________________________________________

“96 : நாம் நாகரீகமான உலகில்தான் வாழ்கிறோம்

- ரவிக்குமார்

சன் டிவியில் இன்று ஒளிபரப்பப்பட்ட 96 திரைப்படத்தை முழுமையாகப் பார்த்தேன். காதல் நிறைவேறாமல் போவதற்கு சாதி, மதம், வர்க்கம் என்பவைதான் காரணம் என்961பதாக ஏராளமான திரைப்படங்கள் வந்துகொண்டிருக்கின்றன. எந்த தர்க்கமும் இல்லாமல்கூட அது நடக்கலாம் எனச் சொல்கிறது இந்தப் படம்.   எந்தக் காரணமும் இல்லாமல் சந்தர்ப்ப சூழ்நிலையால் பிரிய நேர்கிற காதலர்கள் 22 ஆண்டுகள் கழித்து சந்திக்கும் போது அவர்களுக்கு ஏற்படும் உணர்ச்சிக் கொந்தளிப்புகளும், போராட்டங்களும் கச்சிதமாக சொல்லப்பட்டிருக்கின்றன. விரும்பியிருந்தால் கடந்திருக்கக்கூடிய எல்லைகள், நினைத்திருந்தால் விலக்கியிருக்கக்கூடிய மனத்திரைகள்- ஆனால் அப்படி எதுவும் நடக்கவில்லை. கதாநாயகனின் உறுதி கதாநாயகிக்கு மீள முடியா குற்ற உணர்வை உண்டாக்குகிறது. அவள் அதை கற்பனையில் கடக்க முயற்சிக்கிறாள். யதார்த்தத்தில் தவறிய நிகழ்வை கற்பனைக்குள் நேர்செய்து தன்னை அவனது காதல் மனைவியாக சொல்லிக்கொள்கிறாள். ஆனால் எல்லாம் ஒரு கணம்தான். அவனுக்கு கடந்தகால நினைவுகள் ஒரு பெட்டிக்குள் பத்திரப்படுத்தப்பட்டிருக்கின்றன.  (மேலும்)  08. 11.18

    ._______________________________________________________________________

அமெரிக்கத் தேர்தல்: டிரம்ப்புக்கு பின்னடைவு - மக்களவையில் எதிர்க்கட்சிக்கு பெரும்பான்மை ; மேலவையைத் தக்கவைத்துக் கொண்டது ஆளும் கட்சி

அமெரிக்க நாடாளுமன்றத்துக்கு செவ்வாய்க்கிழமை நடைபெற்ற தேர்தலில், அதிபர் டிரம்ப்புக்கு பின்னடைவை ஏற்படுத்தும் வகையில் எதிர்க்கட்சியான ஜனநாயகtrumph1க் கட்சி மக்களவையில் (மக்கள் பிரதிநிதிகள் சபை) பெரும்பான்மை இடங்களைக் கைப்பற்றியது. எனினும், மேலவையான செனட் சபையை ஆளும் குடியரசுக் கட்சி தக்கவைத்துக்கொண்டது.  அமெரிக்க நாடாளுமன்ற மக்களவையான பிரதிநிதிகள் சபையின் 435 இடங்களுக்கும், 100 இடங்களைக் கொண்ட செனட் சபையின் 35 இடங்களுக்கும் செவ்வாய்க்கிழமை தேர்தல் நடைபெற்றது.  நான்கு ஆண்டுகளுக்கு ஒருமுறை, அதிபருடைய பதவிக் காலத்தின் மத்தியில் வருவதால் "இடைக் காலத் தேர்தல்' என்றழைக்கப்படும் இந்தத் தேர்தலில், ஆளும் குடியரசுக் கட்சியும், எதிர்க்கட்சியான ஜனநாயகக் கட்சியும் கடுமையாக மோதின. இதுவரை இல்லாத வகையில், தேர்தலின் கடைசி வாரங்களில் அதிபர் டொனால்ட் டிரம்ப் மிகத் தீவிரப் பிரசாரம் மேற்கொண்டார்.  (மேலும்)  08. 11.18

._______________________________________________________________________

அஞ்சலிக்குறிப்பு:  யுகமாயினி சித்தன்

கலை, இலக்கியத்தில் பல்துறை ஆற்றல் மிக்க படைப்பாளி யுகமாயினி சித்தன்

தமிழக - இலங்கை -  புகலிட எழுத்தாளர்களின் உறவுப்பாலமாக திகழ்ந்தவரும் விடைபெற்றார்

                                                                           முருகபூபதி

"பல மொழிகளிலும் ஒருவரது படைப்பு மொழிபெயர்க்கப்பட்டு நூலுருவில் வெளியாவதும் ஒரு வகையில் படைப்பாளிக்கு கிட்டும் அங்கீகாரம்." எனச்சொன்னார்  நாமக்கல் கு.siththan1 சின்னப்பபாரதி. என்னருகில் அமர்ந்திருந்த யுகமாயினி சித்தன் உடனே அதனை மறுத்துரைத்தார். “மொழிபெயர்ப்பில் ஒரு நாவல் வெளியானால் அதனை இலக்கிய அங்கீகாரம் என எப்படி ஏற்றுக்கொள்ள முடியும்? ஒரு நாவல் சர்வதேச தரத்தில் எழுதப்பட்டால் மாத்திரமே அதற்கு அங்கீகாரம் தரமுடியும். ஒரு நாவல் இந்திய மொழிகளிலும் அய்ரோப்பிய மொழிகளிலும் வெளியாகிவிட்டால் , அந்தப்படைப்பு உன்னதமானது, தரமானது, உலக அங்கீகாரம் பெற்றது என்ற முடிவுக்கு வந்துவிடலாமா?” எனக்கேட்டார் சித்தன்.  சின்னப்ப பாரதி நிமிர்ந்து அமர்ந்தார். “ஒரு நாவல்,  அந்தநாவலின் படைப்பாளியின் தாய்மொழியில் எழுதப்பட்டு அதனை பிறமொழி வாசகருக்கு அறிமுகப்படுத்துவதற்காக ஒரு மொழிபெயர்ப்பாளர்  பிறமொழியில் தரமுனைவதுகூட அங்கீகாரம்தான். மொழிபெயர்ப்பாளர் அந்தப்படைப்பை மொழிபெயர்க்க விரும்பியதனால்தானே பிறமொழி வாசகனுக்கு அந்தப்படைப்பு கிடைக்கிறது.    (மேலும்)  08. 11.18

._______________________________________________________________________

மன்னார் மனிதப் புதைகுழியில் தற்போதுவரை மீட்கப்பட்டுள்ள மனித எலும்புக்கூடுகளில்இ 18 மனித எச்சங்கள் சிறுவர்களுடையது

மன்னார் மனிதப் புதைகுழியில் தற்போதுவரை மீட்கப்பட்டுள்ள மனித எலும்புக்கூடுகளில்இ 18 மனித எச்சங்கள் சிறுவர்களுடையது என சட்ட வைத்திய அதிகாரி சமிந்த ராஜபக்ஷ தெரிவித்துள்ளார்.மன்னார் மனித புதைகுழி அகழ்வுப் பணியானது இன்று 102 ஆவது நாளாக இடம்பெற்றது. மன்னார் நீதவான் ரி.சரவணராஜா மேற்பார்வையிலும் சட்ட வைத்திய அதிகாரி சமிந்த ராஜபக்ஸ தலைமையிலும் அகழ்வு அகழ்வு பணிகள் முன்னெடுக்கப்பட்டன. இந்த நிலையில்இ இன்று மனித புதை குழி வளாகத்தில் ஊடகவியலாளர்களிடம் கருத்து தெரிவித்தபோதே சட்ட வைத்திய அதிகாரி குறித்த தகவலை வெளியிட்டுள்ளார்.மன்னார் மனித புதைகுழியில் தற்போதுவரை 232 மனித எச்சங்கள் அடையாளப்படுத்தப்பட்டுள்ளதுடன்இ அவற்றுள் 224 மனித எச்சங்கள் அப்புறப்படுத்தப்பட்டுள்ளன.இந்த நிலையில்இ மேலதிக மனித எலும்புக்கூடுளை அப்புறப்படுத்தும் பணிகள் தொடர்சியாக இடம் பெறுவதாக சட்ட வைத்திய அதிகாரி சமிந்த ராஜபக்ஷ தெரிவித்துள்ளார்.அத்துடன்இ மீட்கப்பட்டுள்ள எலும்புக்கூடுகளில் பாலின விபரங்கள் முழுமையான பரிசோதனையின் பின்னரே தெரியவரும் எனவும் அவர் குறிப்பிட்டுள்ளார்.கடந்த வாரத்தில் சந்தேகத்திற்கு உரிய விதமாக சில தடையப் பொருட்கள் மீட்கப்பட்டதாகவும்இ அவற்றில் மோதிரம் போன்ற ஒரு தடையப் பொருளும் கிடைத்துள்ளது.இதேவேளைஇ குறித்த மனித புதைக்குழியில் இருந்து கிடைக்கப்பெற்ற முக்கிய தடையப் பொருளான பிஸ்கட் பைக்கற்று ஒன்று தொடர்பான அறிக்கையானது நீதிமன்றத்துக்கு நேரடியாக அனுப்பப்பட்டுள்ளதாகவும் தனக்கு அந்த அறிக்கை தொடர்பான விபரங்கள் தெரியாது எனவும் சட்ட வைத்திய அதிகாரி சமிந்த ராஜபக்ஷ மேலும் தெரிவித்துள்ளார்.

._______________________________________________________________________

வடக்கிலும் சரி, கிழக்கிலும் சரி அரசியல்வாதிகள் தமது மக்களின் அத்தியாவசியத் தேவைகள் தொடர்பில் கவனம் செலுத்துவதில்லை.

முத்தையா முரளிதரன்


தமிழ் அரசியல்வாதிகள் தமிழ் மக்களுக்கான அரசியல் தீர்வு அவசியம் எனத் தொடர்ந்து கூறிவருகின்றனர். எனினும் அவ்வாறானதொரு தீர்வு அவசியமானதா என இலங்கை அmuralitharan-muttiah-imageணியின் முன்னள் சுழல் பந்து ஜாம்பவான் முத்தையா முரளிதரன் கேள்வி எழுப்பியுள்ளார். அதேவேளை தமிழ் மக்களுக்காக பிரபாகரன் உருவாக்கிய அமைப்பு முதலில் தமிழர் தொடர்பான செயற்பாடுகளை சரியாக முன்னெடுத்திருந்தாலும், பின்னர் அவ்வமைப்பும் கொலைகளைச் செய்ததுடன், தீவிரவாத அமைப்பொன்றாக மாறியது எனவும் அவர் கருத்து வெளியிட்டார். சர்வதேச ஊடகம் ஒன்றுக்கு வழங்கிய செவ்வி ஒன்றிலேயே அவர் மேற்கண்டவாறு குறிப்பிட்டுள்ளார். அவர் தொடர்ந்தும் கூறியுள்ளதாவது, நாட்டில் பெரும்பாலான மக்கள் அரசியல்வாதிகளிடம் கேட்பது ஜனநாயகத்தையோ, தமது உரிமைகளையோ அல்ல. மாறாக மூன்று வேளையும் உண்பதற்கு உணவும், தமது பிள்ளைகளுக்கு சிறந்த கல்வியைப் பெற்றுக் கொடுப்பதற்கு வாய்ப்பளிக்கும் பொருளாதார வசதியினையுமே கேட்கின்றனர். வடக்கிலும் சரி, கிழக்கிலும் சரி அரசியல்வாதிகள் தமது மக்களின் அத்தியாவசியத் தேவைகள் தொடர்பில் கவனம் செலுத்தாமல், வேறு விடயங்களில் அவதானம் செலுத்துவதே தற்போது பிரச்சினைகள் தீர்க்கப்படாமைக்குக் காரணமாக உள்ளது.   (மேலும்)  08. 11.18

._______________________________________________________________________

நாலக டி சில்வா மீண்டும் விளக்கமறியலில்

முன்னாள் பிரதிப் பொலிஸ் மா அதிபர் நாலக டி சில்வாவை மீண்டும் விளக்கமறியலில் வைக்க உத்தரவிடப்பட்டுள்ளது. அவரை எதிர்வரும் 21ம் திகதி வரையில் விளக்கமறியலில் வைக்குமாறு கோட்டை நீதவான் நீதிமன்றம் உத்தரவிட்டுள்ளது. ஜனாதிபதி மற்றும் முன்னாள் பாதுகாப்புச் செயலாளர் கொலை திட்டம் சம்பந்தமாக வெளியிடப்பட்ட ஒலிப்பதிவு சம்பவம் தொடர்பில் அவர் கைது செய்யப்பட்டுள்ளார்.

._______________________________________________________________________

 தமிழ் தேசியக் கூட்டமைப்பினரை ஜனாதிபதி சந்தித்தார்

 தமிழ் தேசியக் கூட்டமைப்பின் பாராளுமன்ற உறுப்பினர்களை ஜனாதிபதி மைத்திரிபால சிறிசேன இன்று காலை சந்தித்தார்.SRISENA  ஜனாதிபதி செயலகத்தில் இந்த சந்திப்பு நடைபெற்றது. இந்த சந்திப்பின் போது தீர்மானங்கள் எவையும் எட்டப்படவில்லை என்றும் நம்பிக்கையில்லா தீர்மானத்தின் போது எதிராக வாக்களிக்கவுள்ளதாகவும் ஜனாதிபதிக்குத் தாம் தெரிவித்ததாக தமிழ் தேசியக் கூட்டமைப்பின் பாராளுமன்ற உறுப்பினர் தர்மலிங்கம் சித்தார்த்தன் குறிப்பிட்டார்.  இதேவேளை, இந்த சந்திப்பு தொடர்பில் தமிழ் தேசியக் கூட்டமைப்பு அறிக்கையொன்றை விடுத்துள்ளது. நாட்டின் தற்போதைய அரசியல் நிலை குறித்து ஏற்கனவே மேற்கொள்ளப்பட்டுள்ள தீர்மானத்தில் எவ்வித மாற்றங்களும் இல்லை என தமிழ் தேசிய கூட்டமைப்பு ஜனாதிபதியிடம் அறிவித்ததாக அதில் குறிப்பிடப்பட்டுள்ளது.  கூட்டமைப்பின் தலைவர் இரா.சம்பந்தன், பாராளுமன்ற உறுப்பினர்களான செல்வம் அடைக்கலநாதன், தர்மலிங்கம் சித்தார்தன் மற்றும் எம்.ஏ. சுமந்திரன் ஆகியோர் ஜனாதிபதியுடனான சந்திப்பில் கலந்து கொண்டிருந்தனர்.    (மேலும்)  08. 11.18

._______________________________________________________________________

அரசியல் ரீதியாக ஒரு தமிழர் என்பவர் யார் என்பதில் சிங்களவர்களுக்குத் தடுமாற்றம்

                                                               -   ராஜ் கொன்சல்கோரளே

சாதி ரீதியான பிளவுகள் தமிழ் சமூகத்தில் பெரியதொரு அரசியல் பாத்திரத்தை வகிக்கின்றன, அதேபோல பிராந்திய சார்புகளும் முக்கியமான பாத்திரத்தை வகிக்கின்றன. estate tamilவட பகுதி தமிழர்கள் அடங்கிய தமிழ் சமூகம் ஒழங்குமுறையில் கிழக்குத் தமிழர்களை தங்களுக்கு அடுத்த நிலையிலேயே கணிக்கிறது, மற்றும் சமீபத்தைய இந்திய வம்சாவழி தமிழர்கள், வடக்கு மற்றும் கிழக்கு தமிழர்களின் கண்ணோட்டத்தில் ஒழுங்கமைப்பில் ஒரு படி கீழாகவே பார்க்கப்படுகிறார்கள். எந்தவொரு வடக்கு அல்லது கிழக்கைச் சேர்ந்த தமிழ் அரசியல் தலைவரும் பிரதானமாக தோட்டப்பகுதிகளில் வசித்துவரும் இந்திய வம்சாவழித் தமிழர்களின் பிரச்சினைகளுக்கு ஆதரவளிக்கவும் மற்றும் பிரச்சாரம் செய்யவும் பெரும்பாலும் முன்வந்ததில்லை. வடக்கு கிழக்கைச் சேர்ந்த அரசியல் தலைவர்கள் தோட்டப்பகுதிகளக்கு விஜயம் செய்து அங்குள்ள மக்களின் நிலையைப் பார்வையிட்டதாகப் பதிவுகள் எதுவும் இல்லை. வடக்கு, கிழக்கு மற்றும் தோட்டப் பகுதிகளைத் தவிர நாட்டின் இதர பகுதிகளில் வாழும் தமிழர்கள், தமிழ் சமூகத்தின் இந்தப் பகுதிகள் அனைத்தினதும் கலவையாகும். புள்ளியியல் ரீதியாக அதிகமான தமிழர்கள் நாட்டின் வடக்கு மற்றும் கிழக்குக்கு வெளியே வாழுகிறார்கள்.  (மேலும்)  07. 11.18

._______________________________________________________________________

கழுகின் பிடியில் சிக்குமா டிராகன்?

உலகம் பொருளாதாரத்தால் கட்டுண்டு இருக்கிறது. இதில் எந்தவொரு நாடும் தனித்து இயங்க முடியாது. அப்படி தனித்து நிற்க ஆரம்பித்தால் அது அழிவை தானே தusa chinaேடிக்கொள்கிறது என்றுதான் அர்த்தம். அப்படியொரு நிலையை நோக்கி அமெரிக்கா போகிறதோ என்ற சந்தேகம் அமெரிக்கர்களுக்கே எழத்தொடங்கியுள்ளது. அமெரிக்கா சீனா மீதும், சீனா அமெரிக்கா மீதும் மாறி மாறி நடத்திக்கொண்டிருக்கும் வர்த்தகப் போர் ஒவ்வொரு நாளும் அடுத்தடுத்த கட்டத்தை நோக்கி நகர்ந்துகொண்டிருக்கின்றன.  வர்த்தகப் போருக்கு என்ன காரணம் இதன் விளைவுகள் என்ன, இதனால் யாருக்கு லாபம் யாருக்கு நஷ்டம் என்பதையெல்லாம் பார்ப்பதற்கு முன் இருநாடுகளின் பொருளாதாரத்தைப் புரிந்துகொள்ள வேண்டியது அவசியம். ஏனெனில் வர்த்தகப் போர் ட்ரம்ப் வந்த பிறகு ஆரம்பித்தது அல்ல. கிளிண்டன் காலத்திலிருந்தே இருக்கிறது. அமெரிக்கா உலகின் தரமான பொருள்கள், தொழில்நுட்பங்களின் மையமாக இருப்பதால் சக்திவாய்ந்த நாடாக இருந்தது. ஆனால், அமெரிக்காவின் இடத்தை சீனா விரைவில் பிடித்துவிடும் அளவுக்கு அசுர வளர்ச்சியை அடைந்துகொண்டிருக்கிறது.  (மேலும்)  07. 11.18

._______________________________________________________________________

நவீன இந்திய நாவல்கள்- என் பார்வை

நடேசன்

(அவுஸ்திரேலியத் தமிழ் இலக்கியக்கலைச்சங்கத்தின் தமிழ் எழுத்தாளர் விழா 2018 இல், இடம்பெற்ற நாவல் இலக்கிய அரங்கில் சமர்ப்பித்த கட்டுரை)

நீலகண்டப்பறவையைத்தேடி – வங்காளம்

neelakandanோமரின் இலியட் மற்றும் ஓடிசியையும் சேர்த்து பார்த்ததை விட பத்து மடங்கு பெரியது மகாபாரதம். காவியங்கள் தோன்றி காலங்கள் சரியாக கணக்கிட முடியாத போதிலும் புராதன இலக்கிய பாரம்பரியத்தின் உரிமையாளர்களைக் கொண்டது அக்காலப் பாரதம், இக்காலத் தென்னாசியா.  மிருகங்களை பாத்திரமாக்கிய ஐதீகக் கதைகள் இங்கேயே தோன்றின. அதன் தொடர்ச்சியாகவே உலகெங்கிலும் மிருகங்களைக் கொண்ட ஈசாப் நீதிக்கதைகளில் தொடங்கி மிக்கி மவுஸ் எனும் வால்ட் டிஸ்னியின் கதைகள் உருவாகின. மகாபாரதத்தில் தருமருடன் இறுதிவரையும் நாயொன்று சொர்க்கத்திற்கு செல்கிறது. பாரதத்திலே இயற்கை கதைக்களமாக மாறியது. ஆறுகள், வனங்கள் மற்றும் கடல்கள் இந்திய இலக்கியமெங்கும் செறிந்தள்ளன. மகாபாரதத்தில் பாண்டவர் வனவாசம் சென்றதுபோல் இராமாயணத்திலும் பதினான்கு வருடங்கள் இராமன், சீதை, இலக்குவன் சென்ற காடு வருகிறது. காளிதாசனின் மேகதூதம் போன்று இயற்கையையும் கொண்டாடும் கதைகள் உருவாகிய இடம் பாரதம்.    (மேலும்)  07. 11.18

._______________________________________________________________________

இலங்கை அரசியல்: எப்படி அமையும் எதிர்காலம்?

அகிலன் கதிர்காமர்

இலங்கையில் 2015ல் நடந்த ஜனாதிபதி தேர்தலும் பாராளுமன்றத் தேர்தலும் நMMRாட்டில் மிகப் பெரிய ஜனநாயக மாற்றத்தைக் கொண்டுவந்தது. நாட்டின் பிற பகுதிகளுக்கு எப்படியோ, வடக்குக்கும் கிழக்கிற்கும் இது இரவுக்கும் பகலுக்கும் இடையிலான வித்தியாசத்தைப் போல இருந்தது.   2014ஆம் ஆண்டில்கூட வடக்கிலும் கிழக்கிலும் இருந்தவர்கள் ராஜபக்ஷே அரசுக்கு எதிராக சிறிய விமர்சனத்தை முன்வைக்கக்கூட பயந்தார்கள். அந்த அளவுக்கு அச்சம் பரவியிருந்தது. ஆனால், கடந்த மூன்றாண்டுகளில் இவையெல்லாம் மாறின. மக்கள் பல கோரிக்கைகளுக்காக தெருவில் இறங்கி போராட்டங்களை நடத்தினார்கள். கேள்வியெழுப்பினார்கள். ஜனநாயகம் குறித்த நம்பிக்கை ஏற்பட்டது. 2015ஆம் ஆண்டு தேர்தல்களின்போது மைத்திரிபால சிறிசேனவும் ரணிலும் இனப் பிரச்சனைக்கு அரசியல் தீர்வு காண்பது, ஊழல்செய்தவர்களைக் கண்டறிந்து தண்டிப்பது உள்ளிட்ட பல வாக்குறுதிகளைத் தந்தார்கள். ஆனால், இவை எதுவும் சரியாக முன்னெடுக்கப்படவில்லை. வேண்டுமென்றே தாமதிக்கப்பட்டதாகக்கூடக் கூறலாம்.      (மேலும்)  07. 11.18

._______________________________________________________________________

மெல்பனில் நடந்த    18 ஆவது  தமிழ் எழுத்தாளர் விழா

இரண்டு அரங்கங்களில் நடந்தேறிய நிகழ்வுகள்

அவுஸ்திரேலியா விக்ரோரியா மாநிலத்தில் மெல்பனில்  கடந்த  4  ஆம் திகதி ஞாயிற்றுக்கிழமை தமிழ் இலக்கிய கலைச்சங்கத்தின் வருடாந்த நிகழ்வான தமிழ் எழுத்தாளvizha1ர் விழா நடைபெற்றது. சங்கத்தின் தலைவர் திரு. சங்கர சுப்பிரமணியன் தலைமையில் மெல்பனில், Keysborough Secondary College மண்டபத்தில் நடந்த  இவ்விழா மண்டபத்தின் வெளியரங்கில்  இடம்பெற்ற கண்காட்சிகளுடன் தொடங்கியது. பிரதம விருந்தினராக வருகை தந்திருந்த தென்கிழக்காசிய  நாடுகளின் அமைப்புகளின் கூட்டமைப்பின் முன்னாள் தலைவர் மருத்துவர்  சாபாஷ் சவுத்ரி  கண்காட்சிகளை திறந்துவைத்தார்.  விக்ரோரியா பல்தேசிய கலாசார ஆணையத்தின் முன்னாள் தலைவர் திரு. சிதம்பரம் ஶ்ரீநிவாசன் விழா நிகழ்ச்சிகளை மங்கல விளக்கேற்றி தொடக்கிவைத்தார்.விழாவின் தொடக்க நிகழ்ச்சிகளாக  கண்காட்சிகள் இடம்பெற்றன.   (மேலும்)  07. 11.18

._______________________________________________________________________

உரிமை அரசியலுக்காக அபிவிருத்தியை இழக்க முடியாது

- வியாழேந்திரன்

தமிழ் தேசிய கூட்டமைப்பு பாராளுமன்றத்தில் மத்தியஸ்தம் வகிக்கும் என்றால் தானும் மத்தியஸ்தம் வகிப்பதாக அண்மையில் பிரதியமைச்சராக நியமனம் பெற்ற தமிழ் தviyalendran2ேசிய கூட்டமைப்பின் பாராளுமன்ற உறுப்பினர் வியாழேந்திரன் கூறினார். இன்று பகல் கொழும்பில் உள்ள பிரதமர் அலுவலகத்தில் நடைபெற்ற ஊடகவியலாளர் சந்திப்பில் கலந்து கொண்டு உரையாற்றும் போதே பிரதியமைச்சர் வியாழேந்திரன் இதனைக் கூறினார். இதன்போது தொடர்ந்து உரையாற்றிய அவர், தமிழ் தேசிய கூட்டமைப்பு ரணில் விக்ரமசிங்கவுக்கு எதிராக வாக்களித்தால், தானும் மஹிந்த ராஜபக்ஷவுக்கு எதிராக வாக்களிப்பதாகவும், அவர்கள் மத்தியஸ்தம் வகித்தால் தானும் மத்தியஸ்தம் வகிப்பதாகவும் அவர் கூறினார். தமிழ் தேசிய கூட்டமைப்பு இவ்வளவு காலமும் உரிமை அரசியலில் ஈடுபட்டு வந்தபோதும் இதுவரை எதனையும் சாதிக்கவில்லை. தமிழ் மக்களுக்கு அபிவிருத்தியின் பலனும் கிடைக்கவில்லை. ஆகவே உரிமைய அரசியலுடன் அபிவிருத்தியும் கலந்த அரசியல் வேண்டும் என்பதற்காகவே புதிய அரசாங்கத்தில் இணைந்து கொண்டதாக கூறினார்.    (மேலும்)  07. 11.18

._______________________________________________________________________

மு.கா. புதிய அரசாங்கத்தில் இணைவதற்கு தீர்மானமில்லை: பிரதி அமைச்சரின் கூற்றுக்கு ரவூப் ஹக்கீம் மறுப்பு

ஸ்ரீலங்கா முஸ்லிம் காங்கிரஸ் நாளை (7) புதிய அரசாங்கத்துடன் இணைவதாக பிரதி அமைச்சராக பதவியேற்றுள்ள நிஷாந்த முத்துஹெட்டிகம கூறியுள்ள கருத்தை கட்சித் தலைவர் ரவூப் ஹக்கீம் மறுத்துள்ளார். இன்றிரவு (6) தனது உத்தியோகபூர்வ இல்லத்தில் கட்சியின் பாராளுமன்ற உறுப்பினர்கள் மற்றும் அம்பாறை, மட்டக்களப்பு உலமாக்கள் கலந்துகொண்ட சந்திப்பிலேயே ரவூப் ஹக்கீம் இக்கூற்றை மறுத்துள்ளார். ஜனாதிபதி மைத்திரிபால சிறிசேன மற்றும் புதிய பிரதமராக பதவியேற்றுள்ள மஹிந்த ராஜபக்ஷ தலைமையிலான அரசாங்கத்துக்கு ஆதரவளிப்பது தொடர்பில் ஸ்ரீலங்கா முஸ்லிம் காங்கிரஸ் இதுவரை எந்த விதமான தீர்மானங்களையும் மேற்கொள்ளவில்லை. அதேவேளை, புதிய அரசாங்கத்தின் இணைவதாக பிரதி அமைச்சர் நிஷாந்த முத்துஹெட்டிகம கூறிய கருத்தை தான் மறுப்பதாக ரவூப் ஹக்கீம் மேலும் தெரிவித்தார்.

ஊடகப்பிரிவு
ஸ்ரீலங்கா முஸ்லிம் காங்கிரஸ்

._______________________________________________________________________

கிளிநொச்சி விபத்தில் இரண்டு இளைஞர்கள் உயிரிழப்பு

கிளிநொச்சி ஏ9 வீதியில் இன்று செவ்வாய்க்கிழமை மாலை 07.20 மணியளவில் இடம்பெற்ற வீதி விபத்தில் இரண்டு இளைஞர்கள் பலியாகியுள்ளனர்.சம்பவம் தொடர்பில் தெரியவருவதாவது,  தென்னிலங்கையிலிருந்து யாழ் நோக்கி சென்றுகொண்டிருந்த எரிபொருள் தாங்கி வாகனமும், பரந்தன் பகுதியிலிருந்து கிளிநொச்சி நோக்கி பயணித்த மோட்டார் சைக்கிளும் விபத்துக்குள்ளாகியுள்ளது. இதனால் மோட்டார் சைக்கிளில் பயணித்த இரண்டு இளைஞர்களும் பலியாகியுள்ளனர். விபத்தின் போது ஒருவர் சம்பவ இடத்திலேயே பலியாகியுள்ளதுடன், மற்றொருவர் வைத்தியசாலைக்கு கொண்டு சென்ற போது இறந்துள்ளார்.  இந்த விபத்தில் இறந்த ஒருவர் அடையாளம் காணப்பட்டுள்தேுடன், கிளிநொச்சி செல்வநகரைச் சேர்ந்த செல்வராஜா கஜீபன் (வயது 18) என்பவரே உயிரிழந்துள்ளார். இதுவரை மற்றைய இளைஞன் இதுவரை அடையாளம் காணப்படவில்லை

._______________________________________________________________________

காணாமல் போனவர்கள்!


-    கருணாகரன்

தமிழர்களுடைய ஒட்டுமொத்தக் கவனமும் இன்று கொழும்பு அரசியலிலேயே குவிந்திருக்கிறது. இதுவரையிலும் படு தீவிரமாக இருந்த வடக்குக் கிழக்கு இணnpc membersைந்த மாகாணம், தமிழீழம், சமஸ்டி, சுயாட்சி போன்றவற்றைப் பற்றிய கதையாடல்களையே காணவில்லை.  விக்கினேஸ்வரன், அனந்தி, இவர்கள் பரபரப்பாக ஆரம்பித்த புதிய கட்சிகள், தமிழ்த்தேசியக் கூட்டமைப்பு, தமிழ்த்தேசிய மக்கள் முன்னணி, தமிழ் மக்கள் பேரவை, சுரேஸ் பிரேமச்சந்திரனின் நிலைப்பாடுகள் பற்றியெல்லாம் கதைப்போரே இல்லை. இந்தத் தரப்புகளின் அரசியல் பற்றிய பேச்சுகளும் ஒடுங்கி விட்டன.  மட்டுமல்ல, காணாமலாக்கப்பட்டோரின் பிரச்சினை, நில மீட்பு, சிங்கள விரிவாக்கம், தமிழ்ப்பகுதிகளில் விகாரைகள் முளைத்தல், சிறைப்படுத்தப்பட்ட விடுதலையாளர்களின் விடுதலை, மீனவர் விகாரங்கள், மரபுரிமை மீறல்  எதைப் பற்றியும் யாரும் கதைப்பதாகவே இல்லை.  எல்லாவற்றையும் “கொழும்பு அரசியல் சுனாமி” அடித்துச் சென்றுள்ளது.  இனி, இந்தச் சுனாமி அலைகள் அடங்கத்தான் மீண்டும் வடக்குக் கிழக்கு மற்றும் தமிழ் அரசியலைப் பற்றிய கவனம் மேலெழும்.     (மேலும்)  06. 11.18

._______________________________________________________________________

கிளிநொச்சி வைத்தியசாலைகளில் நிரந்தர வேலைவாய்ப்பினை இல்லாதொழிக்கும் யோசனைக்கு கடும் விசனம்

கிளிநொச்சி மாவட்டத்தில் உள்ள வைத்தியசாலைகளில் சுகாதாரப் பணி உதவியாளர் நியமனங்களை மேற்கொள்வதன் மூலம் மாவட்ட இளைஞர் யுவதிகளுக்கு கgh kilinochchiாலத்திற்குக் காலம் நிரந்தர அரச வேலைவாய்ப்பினை வழங்கும் நீண்டகால நடைமுறை தற்போது இல்லாது போகும் ஆபத்து நேர்ந்துள்ளது. சுகாதார துறை தவல்கள் தெரிவிக்கின்றன. இது குறித்து மேலும் தெரியவருவதாவது கிளிநொச்சி மாவட்டத்தில் உள்ள எந்த ஒரு வைத்தியசாலையிலும் வெளிவாரி சுத்திகரிப்புச் சேவைக்கான ஒப்பந்தகாரர்கள்  மூலம் வைத்தியசாலையினைப் பராமரிக்கும் நடைமுறை இதுவரை இருந்ததில்லை. இதற்குக் காரணம் அங்கு பணிபுரியும் பணியாளர்கள் தமது வைத்தியசாலை என்ற அர்ப்பணிப்புடன் பணியாற்றி வருவதும், சுகாதாரத் திணைக்களமானது காலத்திற்குக் காலம் சுகாதாரப் பணி உதவியாளர் தரத்தில் உருவாகும் ஆளணி வெற்றிடங்களுக்கு புதியவர்களை உள்வாங்கி மக்களுக்கு வேலைவாய்ப்புகளை வழங்கி வருவதுமே ஆகும்.     (மேலும்)  06. 11.18

._______________________________________________________________________

இலங்கையில் என்ன நடக்கிறது? முன்பு இரண்டு பிரதமர்கள்; தற்போது இரண்டு சபாநாயகர்கள்


கொழும்பு: இலங்கையின் பிரதமராக ரணில் விக்ரமசிங்க பதவி வகித்து வந்த நிலையில், திடீரென ஜனாதிபதிசிறீசேனா, மகிந்த ராஜபக்சவை பிரதமராக நியமித்த போது அர2 primeministerசியல் சர்ச்சை வெடித்தது.  இதற்கு எதிராக கடும் கண்டனங்கள் எழுந்த போதிலும், மகிந்த ராஜபக்ச பிரதமராக பதவியேற்றுக் கொண்டார். அவருக்கு ஆதரவு திரட்டும் பணியில் ஜனாதிபதியும் , ராஜபக்சவும் தீவிரமாக ஈடுபட்டு வருகின்றனர். இதற்கிடையே, இலங்கை பிரதமராக மகிந்த ராஜபக்ச நியமிக்கப்பட்டது சட்டவிரோதம் என்று இலங்கை நாடாளுமன்ற சபாநாயகர் கருஜெயசூர்யா ஜனாதிபதி  சிறீசேனாவுக்கு இன்று கடிதம் எழுதியிருந்தார். பெரும்பான்மையை நிரூபிக்கும் வரை ரணில் விக்ரமசிங்கதான் பிரதமர் என்றும் கூறியிருந்தார். இந்த நிலையில், ஐக்கிய மக்கள் சுதந்திர கூட்டணிக் கட்சியின் கூட்டத்தில் எடுக்கப்பட்ட முடிவின் படி இலங்கை நாடாளுமன்ற சபாநாயகராக தினேஷ் குணவர்த்தனே பொறுப்பற்றுக்கொண்டார்.    (மேலும்)  06. 11.18

._______________________________________________________________________

சம்பந்தன் - அனுர குமார சந்திப்பு

எதிர்க்கட்சி தலைவர் இரா.சம்பந்தன் மற்றும் மக்கள் விடுதலை முன்னணியின் தலைவர் அனுர குமார திஸாநாயக்க இடையில் முக்கிய பேச்சுவார்த்தை ஒன்று இடம்பெற்றுள்ளது. இன்று (05) எதிர்கட்சி தலைவரின் அலுவலகத்தில் இந்த சந்திப்பு இடம்பெற்றதாக தெரிவிக்கப்படுகின்றது.  நாட்டில் ஏற்பட்டுள்ள அரசியல் குழப்பநிலை தொடர்பில் இதன் போது கலந்துரையாடப்பட்டுள்ளதாக தெரிவிக்கப்படுகின்றது.இந்த சந்திப்பில் மக்கள் விடுதலை முன்னணியின் தலைவர் அனுர குமார திஸாநாயக்க, பிமல் ரத்னாயக்க, கே.டி லால்காந்த ஆகியோரும் தமிழ் தேசிய கூட்டமைப்பின் சார்பில் எதிர்க்கட்சி தலைவர் இரா.சம்பந்தன், எம்.ஏ சுமந்திரன் ஆகியோரும் கலந்து கொண்டுள்ளதாக தெரிவிக்கப்படுகின்றது.

._______________________________________________________________________

113 பாராளுமன்ற  உறுப்பினர்களின் ஆதரவினைபெற்று விட்டோம் - ஜனாதிபதி


பாராளுமன்றத்தின் பெரும்பான்மையை நிரூபிக்க 113 பாராளுமன்ற உறுப்பினர்களின் ஆதரவினை பெற்று விட்டதாக ஜனாதிபதி மைத்திரிபால சிறிசேன தெரிவித்துள்ளார். slprasident   புதிய அரசாங்கத்திற்கு ஆதரவு வழங்கும் விதத்தில் ஒமக்கள் மகிமைஒ ஆர்ப்பாட்டப் பேரணி தற்போது முன்னெடுக்கப்பட்டு வருகின்றது.  இந்த ஆர்ப்பாட்ட பேரணியில் கலந்து கொண்டு உரையாற்றும் போதே ஜனாதிபதி மைத்திரிபால சிறிசேன இவ்வாறு தெரிவித்துள்ளார். ஆர்ப்பாட்ட பேரணியில் தொடர்ந்து கருத்து தெரிவித்த ஜனாதிபதி, முன்வைத்த காலை ஒரு போதும் பின் வைக்கமாட்டேன் எனவும் குறிப்பிட்டுள்ளார்.கரு ஜயசூரிய மற்றும் சஜித் பிரேமதாஸவிற்கு பிரதமர் பதவியை ஏற்கொள்ள அழைப்பு விடுத்திருந்த போதும் அவர்கள் அதனை நிராகரித்தாகவும் ஜனாதிபதி மைத்திரிபால சிறிசேன தெரிவித்துள்ளார்.

._______________________________________________________________________

கிழக்கு மாகாணத்திற்கு என அபிவிருத்தி அமைச்சு ஒன்று தேவை


கிழக்கு மாகாணத்திற்கு என அபிவிருத்தி அமைச்சு ஒன்று தேவை என பாராளுமன்றத்தில் பல தடவைகள் எடுத்துக் கூறியதாக பிரதி அமைச்சர் வியாழேந்திரன் குறிப்பிட்டுள்ளார்.இviyalendran1ந்நிலையில், வட கிழக்கு அபிவிருத்தி செயலணி கூட்டத்தில் கிழக்கு மாகாணத்தின் அபிவிருத்தி குறித்து கதைத்த போது, ஜனாதிபதி, அபிவிருத்தி வேண்டும் என்றால் பொறுப்பெடுங்கள் என்று கூறியதாகவும் அதற்கு இணங்கவே ஜனாதிபதியின் அழைப்பின் பேரில் பதவி ஏற்றதாகவும் பிரதி அமைச்சர் வியாழேந்திரன் குறிப்பிட்டுள்ளார்.மேலும், தான் ஒரு சதம் கூட மஹிந்த தரப்பிடம் இருந்து வாங்கவில்லை எனவும் பிரதி அமைச்சர் வியாழேந்திரன் குறிப்பிட்டுள்ளார். தமிழ் தேசிய கூட்டமைப்பின் பாராளுமன்ற உறுப்பினர் எஸ். வியாழேந்திரன் பிரதேச அபிவிருத்தி (கிழக்கு மாகாண அபிவிருத்தி) பிரதி அமைச்சராக சத்தியப் பிரமாணம் செய்து கொண்டதை அடுத்து இன்று (05) அவரது கடமைகளை பொறுப்பேற்றுக் கொண்ட பின்னர் ஊடகங்களுக்கு கருத்து தெரிவிக்கும் போதே இக்கருத்துக்களை முன்வைத்துள்ளார்.

._______________________________________________________________________

அரசாங்கத்துக்கு அழுத்தம் கொடுக்காது ரணில் விலகிக் கொள்ள வேண்டும்"


நாட்டின்  பொருளாதாரத்தினை மழுங்கடிக்கும் சூழ்ச்சிகளை விடுத்து அரசாங்கத்திற்கு அழுத்தம் கொடுக்காமல் ரணில் விக்ரமசிங்க விலகிக்கொள்ள வேண்டும் என பொதுஜன பெரமுனவின் தவிசாளர் பேராசிரியர் ஜி. எல். பீரிஸ் தெரிவித்தார். பொதுஜன பெரமுனவின் கட்சி அலுவலகத்தில் இன்று இடம்பெற்ற ஊடகவியலாளர் சந்திப்பில் கலந்துகொண்டு கருத்துரைக்கும் போதே அவர் மேற்கண்டவாறு தெரிவித்தார். அவர் மேலும்   குறிப்பிடுகையில், ஐக்கிய தேசியக் கட்சியின் நிர்வாகத்தின் ஊடாக தங்களின் தேவைகளை நிறைவேற்றிகொள்ள முயற்சித்த நாடுகளே இன்று ஆட்சி மாற்றத்திற்கு எதிராக செயற்படுகின்றனர் மக்களின் விருப்பத்திற்கு அமையவே ஆட்சி  மாற்றம் இடம் பெற்றுள்ளது. அரச சொத்தினை முறையற்ற விதத்தில் பாவித்துள்ளமை தொடர்பில்  ரணில் விக்ரமசிங்கவிற்கு எதிராக  நடவடிக்கைகள்  முடியும்.பாராளுமன்றத்தில் ஒரு முடிவினை பெற்றதன் பின்னரே  இவ்விடயம் தொடர்பில் கவனம் செலுத்தப்படும் எனவும் தெரிவித்தார்.அரசாங்கத்தின் பெரும்பான்மையினை பாராளுமன்றத்தில் 113 ஐக்  காட்டிலும் 120 ஆக நிரூபிப்போம்.  ஆட்சி மாற்றத்தின் பின்னர்   ஐக்கிய தேசிய கட்சியில் உள்ள முக்கிய தரப்பினர்கள் எம்மிடம் தாமாகவே  இணைந்துக் கொண்டனர். அவர்கள் கடந்த காலத்தில்  ஜனாதிபதி மைத்திரிபால சிறிசேனவின் கொள்கைகளுக்கு அமைவாக செயற்பட்டவர்கள் என்ற ரீதியில் இணைந்துக் கொள்கின்றனர்.

._______________________________________________________________________

சபாநாயகரின் சமநிலை சரியாப் பாத்திரம் அவசியம்

- பஸீர் சேகு தாவூத்

ஆசியப் பிராந்தியத்து நாடாளுமன்றச் சபாநாயகர்கள் அனைவரும் ஏதோவொbasheerரு கட்சியின் ஊடாக மன்றுக்கு உறுப்பினர்களாகத் தெரிவு செய்யப்படுபவர்களாகும். இதனால் அவர்கள் முக்கிய தீர்மானத்துக்குரிய தருணங்கள் வருகின்ற வேளைகளில், சபையில் தாம் சார்ந்த கட்சியின் பக்கமே நிற்கும் நிலையைக் கண்டிருக்கிறோம்.   இலங்கையைப் பொறுத்தவரை சில தடவைகள் சபாநாயகர்கள் தமது கட்சிக்கு எதிராக செயற்பட்டிருக்கின்றனர்.ஐக்கிய தேசியக் கட்சி மூலம் நாடாளுமன்ற உறுப்பினராகிய லொக்கு பண்டார அவர்களை அன்றைய எதிர்க்கட்சி பெரும் பிரயத்தனங்களின் பின்னர் பல கட்சிகளின் ஆதரவுடன் வாக்களிப்பில் வென்று சபாநாயகராக்கியது. இதில், முஸ்லிம் காங்கிரஸ் அரசுக்கு ஆதரவாக வாக்களிக்க இருந்த தமது உறுப்பினர்களின் "கள்ளத் தொடர்புகளை" வென்று ரணிலுக்கு உதவியது. ஹக்கீம் சந்தேகமான ஒவ்வொரு உறுப்பினருக்கும் பக்கத்தில் விசுவாசம் மிக்க உறுப்பினர்களை அமர்த்தி இரகசிய வாக்கெடுப்பைக் கையாண்டது.இதில் முன்னாள் நாடாளுமன்ற உறுப்பினர் பைலாவின் பங்களிப்பு மிகப் பெரியது. ஆனாலும், காங்கிரசின் ஒரு உறுப்பினர் அன்றைய மஹிந்த அரசுக்கு ஆதரவாகவே வாக்களித்திருந்தார். லொக் குபண்டார ஒரேயொரு வாக்கு வித்தியாசத்தில் வெற்றியடைந்தார்.    (மேலும்)  05. 11.18

._______________________________________________________________________

வடக்கு மற்றும் ஊவா மாகாண பாடசாலைகளுக்கும் விடுமுறை

தீபாவளி பண்டிகையை முன்னிட்டு நாளைய தினம் வடக்கு மாகாணத்தில் உள்ள அனைத்து பாடசாலைகளுக்கும் விடுமுறை அறிவிக்கப்பட்டுள்ளது. ஆளுநர் ரெஜினோல்ட் குரே, வட மாகாண கல்வி அமைச்சின் செயலாளர் சத்தியசீலனுக்கு வழங்கிய பணிப்புரைக்கு அமைய இந்த விடுமுறை அறிவிக்கப்பட்டுள்ளது.  விடுமுறைக்கான பாடசாலை தினத்தை ஏதேனும் ஒரு சனிக்கிழமையில் நடத்த தீர்மானிக்கப்பட்டுள்ளதாகவும் அவர் குறிப்பிட்டார். இதேவேளை, தீபாவளி பண்டிகையை முன்னிட்டு நாளைய தினம் ஊவா மாகாணத்திலும் தமிழ் பாடசாலைகள் அனைத்துக்கும் விடுமுறை வழங்கப்படவுள்ளதாக, ஊவா மாகாண அமைச்சர் செந்தில் தொண்டமான் தெரிவித்துள்ளார். இதனிடையே, மத்திய மாகாண தமிழ் பாடசாலைகளுக்கும் நாளைய தினம் விடுமுறை வழங்கப்பட்டுள்ளதாக, மத்திய மாகாண கல்வி பணிப்பாளர் திலக் ஏக்கநாயக்க தெரிவித்துள்ளார்.இதற்காக எதிர்வரும் 10 ஆம் திகதி சனிக்கிழமை கற்றல் செயற்பாடுகள் இடம்பெறும் என அவர் குறிப்பிட்டுள்ளார்.

._______________________________________________________________________

மஹிந்தவிடம் எழுத்து மூலமாக வாக்குறுதிகளைக் கேட்டோம்": இரா. சம்பந்தன்

பி.பி.சிக்கு வழங்கிய நேர்காணல்

மஹிந்த அரசுக்கு ஆதரவாக நம்பிக்கை கோரும் தீர்மானம் கொண்டுவரப்பட்டால் அதனை எதிர்க்கப்போவதாக தமிழ் தேசியக் கூட்டமைப்பு அறிவித்திருக்கிறது. அந்த முடிவு எடுக்கப்பட்டsampanthan-mrதன் பின்னணி, ராஜபக்ஷேவை ஆதரிக்க முன்வைக்கப்பட்ட கோரிக்கைகள் ஆகியவை குறித்து பிபிசியின் செய்தியாளர் முரளிதரன் காசிவிஸ்வநாதனிடம் பேசினார் கூட்டமைப்பின் தலைவர் இரா. சம்பந்தன்.     பிரதமரை நீக்க ஜனாதிபதிக்கு அதிகாரமில்லை. முதலில் இருந்தது; 19வது திருத்தச் சட்டத்திற்குப் பிறகு அந்த அதிகாரமில்லை. பிரதமராக இருந்தவரை ஜனாதிபதி இப்படி நீக்கியது தவறு. பிரதமர் முறையாக நீக்கப்பட்டால்தான், வெற்றிடம் ஏற்பட்டு புதிய பிரதமரை நியமிக்கலாம். வெற்றிடம் ஏற்படாமல் புதிய பிரதமரை நியமித்திருக்கிறார். பாராளுமன்றத்தை ஒத்திவைத்திருக்கிறார். இடைக்காலத்தில் பலவிதமான கெடுபிடிகள் நிலவுவதை நாங்கள் அறிகிறோம். பிரதமராக பதவியேற்பவர் நாடாளுமன்றத்தில் நம்பிக்கை பெற வேண்டியது அவசியம். ஆகவே இதனை நாங்கள் கவனமாக பரிசீலித்து, இந்த செயல்பாடுகளை நாங்கள் ஏற்க முடியாது என்று முடிவெடுத்தோம். பிரதமரை நீக்கியது தவறு; புதிய பிரதமரை நியமித்தது தவறு என்பதை வைத்து, மஹிந்த அரசு மீது நம்பிக்கை இல்லா தீர்மானம் கொண்டுவந்தால், மேலே சொன்ன அடிப்படையில் செயல்படலாம் என்ற முடிவுக்கு வந்திருக்கிறோம்.   (மேலும்)  05. 11.18

._______________________________________________________________________

என்னை விமர்சித்தோர் மீது வழக்குத் தொடரவுள்ளேன் - வியாழேந்திரன்

எதிர்கட்சியில் இருந்து கொண்டு ஆளும் கட்சியை பாதுகாப்பதற்கு பதிலாக அரசாங்கத்துடன் இணைந்து மக்களுக்கு சேவை செய்வது சிறந்ததாகும் என கிழக்கு மாகாண அபிவிருதvijalendran்தி பிரதி அமைச்சர் வியாழேந்திரன் தெரிவித்துள்ளார்.பெருந்தோட்டக் கைத்தொழில் அமைச்சில் இன்று இடம்பெற்ற ஊடகவியலாளர்  சந்திப்பில் கலந்துகொண்டபோதே அவர் இதனைத் தெரிவித்தார்.  அங்கு அவர் மேலும் குறிப்பிடுகையில்,புதிதாக நியமிக்கப்பட்டுள்ள பிரதமர் மஹிந்தராஜபக்ஷவிற்கு ஆதரவு வழங்குவதற்காக நான் அரசாங்கத்துடன் இணையவில்லை. ஜனாதிபதி மைத்திரிபால சிறிசேன பல்வேறு சந்தப்பங்களில் எனக்கு வழங்கிய வாக்குறுதிகளை நிறைவேற்றியுள்ளார். அவரின் செயற்பாடுகளில் திருப்தி அடைந்துள்ளேன். அத்தோடு கிழக்கு வாழ் தமிழ் மக்களுக்காக குறுகிய காலத்தில் பாரிய அபிவிருத்திகளையும் முன்னெடுப்பதற்காகவே கிழக்கு மாகாண அபிவிருத்தி பிரதி அமைச்சர் பதவியை ஏற்றுள்ளேன். இந் நிலையில் துரோகி என ஏனையோரை விமர்சிப்பவர்கள் முதலில் தங்களை சுய பரிசோதனை செய்துகொள்ள வேண்டும். அமைச்சுப் பதவிக்காக விலை போவதாக எம்மை விமர்சிப்பவர்கள் அதனை நிரூபிக்க வேண்டும். அவ்வாறு என்னை விமர்சித்தவர்கள் மீது வெகு விரைவில் வழக்கு தொடரவுள்ளேன் என்றார்.

._______________________________________________________________________

துண்டிக்கப்பட்ட தலை தொடர்பில் வெளியாகியுள்ள தகவல்

இரத்தினபுரி – பாணந்துறை பிரதான வீதியில் பண்டாரகம - பொல்கொட பாலத்திற்கு அருகில் உள்ள கிளை வீதியொன்றில் இருந்து மீட்கப்பட்டுள்ள துண்டிக்கப்பட்ட தலை, வெளிநாட்டு பெண்ணொருவர் உடையதாக இருக்கலாம் என சந்தேகிக்கப்படுகிறது. சுமார் மூன்று தினங்களுக்கு முன்னர் குறித்த பெண் கொலை செய்யப்பட்டு, பின்னர் அவரின் தலைப்பகுதி குறித்த இடத்தில் கைவிட்டு செல்லப்பட்டுள்ளதாக தற்போது மேற்கொண்டுள்ள விசாரணைகள் ஊடாக தெரியவந்துள்ளது. காவல்துறை அவசர தொலைபேசி இலக்கத்திற்கு கிடைத்த தகவல் ஒன்றுக்கு அமைய குறித்த பெண்ணின் தலை இன்று காலை மீட்கப்பட்டுள்ளது.

._______________________________________________________________________

மனித உரிமையா? பொருளாதாரமா?

ஜமால் கஷோகி அமெரிக்காவின் நிரந்தரக் குடியுரிமை பெற்ற பத்திரிகையாளர். ஒரு காலத்தில் சவூதி அரேபிய அரச குடும்பத்திற்கு மிகவும் நெருக்கமாக இருந்தவர். ஆனjamal-justiceால், எம்பிஎஸ் என்று பரவலாக அழைக்கப்படும் முகம்மது பின் சல்மான் சவூதி அரேபியாவின் பட்டத்து இளவரசராக அறிவிக்கப்பட்டது முதல் இவருக்கும் அரச குடும்பத்திற்கும் இடையேயான கருத்து வேறுபாடுகள் அதிகரித்தன. இஸ்தான்புல்லில் உள்ள சவூதிஅரேபியத் தூதரகத்தில் அவர் கொல்லப்பட்டிருப்பது சர்வதேச அளவில் மிகப்பெரிய பரபரப்பையும், சவூதி அரேபிய இளவரசர் முகம்மது பின் சல்மானுக்கு எதிரான விமர்சனங்களையும் எழுப்பியிருக்கிறது. கடந்த அக்டோபர் 2-ஆம் தேதி ஜமால் கஷோகி, இஸ்தான்புல்லில் உள்ள சவூதி அரேபியத் தூதரகத்திற்கு அழைக்கப்பட்டார். அங்கே நடந்த வாக்குவாதமும், கைகலப்பும் அவரது படுகொலையில் முடிந்திருப்பதாகத் தெரிகிறது. கஷோகி சவூதி அரேபியத் தூதரகத்தைவிட்டு வெளியேறினார் என்று முதலில் கூறிய சவூதி அரேபியா, துருக்கி அரசால் கசியவிடப்பட்ட தகவல்களில் தூதரக அதிகாரிகளுடனான கைகலப்பில் அவர் இறந்ததாக அறிவித்தது. இதிலிருந்து ஜமால் கஷோகியின் படுகொலை சவூதி அரேபியாவால் மறைக்கப்படுகிறது என்பது வெளிப்பட்டது.    (மேலும்)  05. 11.18

._______________________________________________________________________

குவைத்தில் மனைவியை கத்தியால் குத்திய இலங்கையர்!! பின்னர் தானும் தற்கொலை

குவைத்தில் இலங்கையர் ஒருவர் தனது மனைவியை கூரிய ஆயுதத்தினால் தாக்கிவிட்டு தானும் தற்கொலை செய்து கொண்டுள்ளார். அடுக்குமாடி குடியிருப்பொன்றில் 9 ஆவது மாடியில் இருந்து கீழே குதித்து அவர் தற்கொலை செய்து கொண்டுள்ளதாக வெளிநாட்டு செய்திகள் தெரிவிக்கின்றன. குறித்த தாக்குதலில் படுகாயமடைந்த மனைவி அந்நாட்டில் உள்ள மருத்துவமனை ஒன்றில் அனுமதிக்கப்பட்டுள்ளார்.சம்பவத்திற்கான காரணம் இதுவரை அறியப்படாத நிலையில், அந்நாட்டு காவல்துறையினர் விசாரணைகளை மேற்கொண்டு வருகின்றனர்.

.*