 |
 |
|
|
Online Newspaper in Tamil Vol.8 03.07.2009 |
||
|
எத்தனை காலம்தான் ஏமாற்றுவார் இந்த நாட்டிலே…. - தேசியத்தலைவர் உங்கள் வீட்டுக்கு விருந்தினர்கள் தங்குவதற்கு வருகிறார்களாயின் முதலில் நீங்கள் செய்யும் வேலைகள் ஞாபகத்திற்கு வருகிறதா? உங்கள் வீட்டு பாத்ரூம் மலகூடம் உட்பட முழுவீட்டையும் துப்பரவுசெய்வீர்கள். பிறகு…. விருந்தினர் உறங்கவிருக்கும் படுக்கை அறையில் இருக்கும் கட்டிலின் விரிப்புகளை மாற்றுவீர்கள். மறக்காமல் தலையணை உறைகளையும் மாற்றிவிடுவீர்கள். ஆனால் தலையணைகள் மாத்திரம் மாறாது. ஓரே தலையணை ஆனால் அதன் உறை மாத்திரம் மாறிவிடும். அவுஸ்திரேலியாவில் இப்படி பல பழைய தலையணைகள் இருக்கின்றன. அவற்றை பழம் பெருச்சாளிகள் பதம் பார்த்திருப்பதனால். சேதங்களை மறைப்பதற்காக புதுப்புது தலையணை உறைகளை மாற்றிவிடுவார்கள். கனவில் வாழ்ந்த ஈழ மண்ணில் பெருந்தலை சாய்ந்ததும் அதனை நினைத்து சிறு ஒப்பாரி கூட பாடுவதற்கு வக்கில்லாத கூட்டம் பழம் தலையணைகளுக்கு உறை மாற்றத்தொடங்கியிருக்கிறது. அப்படி சமீபத்தில் உறை மாற்றப்பட்டிருக்கும் தலையணைதான் ஆஸ்திரேலிய தமிழ்க் காங்கிரஸ். ஐ.நா சபையில் பேசிவிட்டு ஊருக்கு திரும்பிய போது அவரது வயது 65. ஊர்மக்கள் அதனால் 65 சவரினில் தடித்த தங்கச்சங்கிலி அணிவித்து மரியாதை செலுத்தினார்கள். உடனே அந்த மேடையில் அவரது கருத்த (சிகரட் புகைத்தமையால்) உதடு சொன்னது: இந்த தங்கச்சங்கிலியை விற்று இந்த ஊருக்கு ஒரு நெசவுசாலை கட்டித்தருவேன். உதட்டிலிருந்து வந்த வார்த்தைகள் உதட்டுக்குள்ளேயே அடங்கிவிட்டது. வானொலியில் வந்து இளையோர் அமைப்புக்கு கருத்தரங்கும் பட்டறைகளும் நடத்தப்போவதாக சொல்லும் இளைய தளபதி கரன் அவர்கள் இந்த காங்கிரஸ்களின் சவடால்களையும் அம்பலப்படுத்த அந்த பட்டறைகளை பயன்படுத்தினால் இளையோருக்கு நல்லது. முன்பு இலங்கை தமிழ்ச்சங்கம் பின்னர் அதே தலையணைக்கு பிரபாகரனை திருப்திப்படுத்துவதற்காக புதிய உறை ஈழத் தமிழ்ச்சங்கம். ஆனால் இவற்றையெல்லாம் பழம்பெருச்சாளிகளின் கூடாரம் என்று நினைத்த இளைய தலைமுறையினர், தொடர்ச்சியாக கவன ஈர்ப்பிலும் உண்ணாவிரதத்திலும் ஈடுபட்டுக்கொண்டிருக்க எங்கே எல்லா கிரடிட்டும் இளையோர்களுக்கே போய்விடும் என்பதற்காக பழம் பெருச்சாளிகள் மீண்டும் தலையணை உறை மாற்றுவதற்கு வெளிக்கிட்டிருக்குதுகள். 1.சந்தாப்பணம் 200 வெள்ளியில் தொடங்கும். பழைய தலையணை தென்துருவ தமிழ்ச்சங்கம் செல்வி ஜெயலலிதா தனிநாடு என்று சொன்னதுதான் தாமதம் உடனே வாழ்த்துக்கடிதம் எழுதியதல்லவா?, அவரது கூட்டணி தேர்தலில் தோற்றுப்போனதும் அனுதாபக்கடிதம் எழுதியதா என்பது தெரியவில்லை. வவுனியாவில் தங்கியிருக்கும் தமிழ் மக்களில் எத்தனை விதவைகள் எத்தனை அனாதைகள் எத்தனைபேர் அவயம் இழந்தவர்கள் எத்தனை பிள்ளைகளுக்க படிப்பு இல்லை என்பதைப்பற்றியெல்லாம் கவலைப்படமாட்டார்கள். இந்தக்கனவான்கள் எத்தனை காலம் இப்படி ஏமாற்றிக்கொண்டே இருக்கப்போகிறார்கள். இவர்கள் இந்த நாட்டுக்கு வந்து குடியேறி கால் நூற்றாண்டுக்கும் மேலாகிறது. இதுவரையில் இவர்கள் செய்த பயனுள்ள காரியம்தான் என்ன? அமைச்சர்களுக்கு கவர்னர்களுக்கு எம்.பிக்களுக்கு கைகுழுக்கவும் அவர்களுக்கு விருந்து வைக்கவும்தான் இவர்களுக்கு நேரம் .இருந்தது வந்த காலம் முதல் புலிகளுக்கு நிதி சேகரித்துக்கொடுத்தார்கள். அதேசமயம் தங்கள் குடும்பங்களின் வாழ்க்கைத் தரத்தை அதி உச்சத்துக்கு எழுப்பி வீட்டுக்கு மேல் வீடுகளை வாங்கிக்கொண்டார்கள். தங்கள் பிள்ளைகளுக்கு அதிக பட்ச கல்வியைக்கொடுத்து பல்கலைக்கழகம் அனுப்பி டொக்டாரக இஞ்சினியராக சட்டத்தரணியாக அக்கவுண்டனா மாற்றிக்கொண்டார்கள். அவர்களின் புனர் வாழ்வுக்கு இந்த காங்கிரஸ் ஜாம்பவான்களிடம் என்ன திட்டம் இருக்கிறது? இப்பொழுதுதான் புரிகிறது ரமேஷ் நடத்தும் தமிழ் ஓசை வானொலியிலும் சபேசன் நடத்தும் தமிழ்க்குரல் வானோலியிலும் மக்களே விழிப்போடிருங்கள் என்று அடிக்கடி அறிவிக்கின்றார்கள். அந்த விழிப்பு கோசம் இந்த புதிய தலையணை உறை தமிழ்க்காங்கிரஸ்காரர்களுக்காகத்தானா? தலைவன்தான் கண் மூடிவிட்டான். சரி நாமாவது விழித்திருப்போம். |
||
|
Frontpage / Page-2 / Page-3 / Page-4 / Page-5 |
||
