 |
 |
|
|
Online Newspaper in Tamil Vol.8 03.07.2009 |
||
|
இலண்டனில் தியாகிகள் தினம்
1990ம் ஆண்டு ஜுன் மாதம், ஈழமக்கள் புரட்சிகர விடுதலை முன்னணியின் (ஈபிஆர்எல்எவ்) செயலாளர் நாயகம் பத்மநாபாவும், கட்சியின் பன்னிரு முன்னணி உறுப்பினர்களும் ஈழத்தமிழ்மக்கள் சம்பந்தமான அரசியல் முன்னெடுப்புகள் பற்றி தமிழகத்தின் சென்னையில் ஒரு வீட்டில் நிராயுதபாணிகளாக கூடிக் கலந்தாலோசித்துக் கொண்டிருந்தபோது புலிகளின் ஏவலாளிகளால் நயவஞ்சகமாக படுகொலை செய்யப்பட்டனர். அந்த நாளையே, படுகொலை செய்யப்பட்டவர்களின் நினைவாகவும், தமிழர்களின் அரசியல் அபிலாஷைகளை வென்றெடுக்க வேண்டும் என்ற ஒரே உன்னத நோக்குடன் முன்வந்து தம் இன்னுயிரை அர்ப்பணித்த போராளிகளையும், அரசியல்வாதிகளையும், செயற்பாட்டாளர்களையும், மற்றும் பலியாகிய பொதுமக்களையும், கட்சி பேதமின்றி நினைவு கூரும் முகமாக ‘தியாகிகள் தினம்; இலங்கையில் வடக்கு - கிழக்கின் பல பகுதிகளிலும், தமிழகத்திலும், இலண்டன், பிரான்ஸ், ஜேர்மனி, சுவிஸ், கனடா ஆகிய வெளிநாடுகளிலும் ஈபிஆர்எல்எவ் கடந்த பத்தொன்பது ஆண்டுகளாக, வருடாவருடம் தொடர்ந்து நடாத்தி வருகின்றனர். இவ்விழாவில் கலந்துகொண்டோரில், ஸ்ரீலங்கா வாழ் மக்கள்பால் அக்கறை கொண்ட அரசியல், சமூகச் செயற்பாட்டாளர்கள், ஆர்வலர்கள், இதர அமைப்புகளைச் சார்ந்தவர்கள், சிங்கள, முஸ்லிம் இனத்தைச் சேர்ந்தோர், ஈபிஆர்எல்எவ் வெளிநாட்டுப் பிராந்தியத்தின் பிரான்ஸ், ஜேர்மன் கிளைகளின் பிரதிநிதிகளும் உள்ளடங்குவர். ஈபிஆர்எல்எவ் ஐரோப்பிய பிராந்தியத்தின் முக்கியஸ்தர்களான முத்துக்குமார், வேலாயுதம், ஜெசிந்தா ஆகியோரின் குத்துவிளக்கேற்றலைத் தொடர்ந்து, மௌன அஞ்சலியுடனும் இலண்டன் பொறுப்பாளர் சிறாப் அவர்களினால் தொடங்கப்பட்ட இந்த நிகழ்வில், ஈபிஆர்எல்எவ் வரலாறு சம்பந்தமான சில படங்கள், சுவரொட்டிகள், பிரசுரங்களின் முன்தோற்றங்கள் ஆகியவவை திரையில் காட்டப்பட்டன. “வெள்ளைப் பூக்கள் மலரவே…” என்ற பாடலுக்கான நடன நிகழ்ச்சி, கவியரங்கம் ஆகியனவற்றைத் தொடர்ந்து, ஈபிஆர்எல்எவ்; பிரான்ஸ் கிளையிலிருந்து மோகன், ஜேர்மன் கிளையிலிருந்து அலெக்ஸ், மற்றும் இலண்டன் உறுப்பினர் லவீர் ஆகியோர் உரையாற்றினர். இவர்களது உரைகளில் வெளியாகிய கருத்துக்கள்:- புலிகளின் தலைமைத்துவத்தின் சமீபத்திய ஒழிப்பு, தமிழ் மக்கள் ஜனநாயக விழுமியங்களை சுதந்திரமாக மேற்கொள்வதற்கு தடையாக இருந்த ஒரு பாசிச அமைப்பின் வீழ்ச்சியாகவே கொள்ள வேண்டும்; கடந்த பல தசாப்தங்களாக தமிழர்களின் ஏகப் பிரதிநிதிகள் என்று தமக்குத் தாமே மகுடம் சூட்டியவர்களால் தமிழ்மக்களுக்கு மறுக்கப்பட்ட ஜனநாயக உரிமைகளை மீண்டும் பெறுவதற்கான இடைவெளி ஓரளவு தோன்றியிருக்கிறது. கடந்து வந்த பாதைகளை மீள் ஆய்வு செய்து, மாறிவரும் அரசியல் சமூக யதார்த்தங்களை கருத்தில் கொண்டு எதிர்கால அரசியல் முன்னெடுப்புகளை தமிழர் நலன்பால் உண்மையாகவே அக்கறை கொண்ட தமிழ்க்கட்சிகள் மேற்கொள்வது இன்றைய காலத்தின் தேவையாகும். அந்நிகழ்வில் உரையாற்றிய உபாலி கூரே, அமரர் பத்மநாபா இலங்கையின் அனைத்துச் சமூகங்களின் ஒடுக்கப்பட்ட மக்களின் ஒற்றுமையில் நம்பிக்கை கொண்ட ஒரு உன்னத மனிதன்; அவரது படுகொலை தமிழ்மக்களது மட்டுமல்ல, இலங்கையின் அனைத்துச் சமூகத்தினரதும் இழப்பு என்றார். 1980களில், தான் சார்ந்த கட்சியைச் சேர்ந்தோர் சிலர், ஆயுதம் தாங்கியோருடன் இணைந்து வேலை செய்வதில் முதலில் ஐயப்பாடுகள் கொண்டிருந்தாலும், கொள்கைகள் அடிப்படையில்;, இலங்கையின் ஒடுக்கப்பட்ட அனைத்து மக்களின் எதிர்கால சபீட்சத்திற்கு சேர்ந்து உழைப்பதற்கு ஈபிஆர்எல்எவ்தான் உகந்தது என்ற முடிவுக்கு வந்தமையையும், அதற்கான முயற்சிகளில் தான் ஈடுபட்டமையையும் எடுத்துரைத்தார். இந்தியாவின் தலையீட்டினால் ஏற்படுத்தப்பட்ட -- அனைத்து வடக்கு-கிழக்கு சமூகத்தினராலும் ஏற்றுக்கொள்ளப்பட்ட -- திருகோணமலையை தலைநகராகக் கொண்ட வடக்கு - கிழக்கு இணைந்த மாகாண சபையை ஒரு ஆரம்ப படிக்கல்லாக ஏற்றுக் கொள்ளாது நிராகரிக்கப்படின், அது தமிழ்பேசும் மக்களின் ஈடுசெய்ய முடியாத அழிவிலேயே கொண்டு போய்விடும் என்பதில் அவர் மிகத் தெளிவாக இருந்தார்; அம் மகாணசபையை நடைமுறைப்படுத்துவதற்கு மற்றைய கட்சிகளுக்கு அதில் முன்னுரிமை கொடுக்கவும் முன்வந்தார் எனக் குறிப்பிட்டார். அவரது கொள்கைகளின் தாற்;பரியங்களையும், அவரது அரசியல் தீர்க்கதரிசனத்தையும் மக்கள் உணராதவாறு, ஈபிஆர்எல்எவ் மீது தமிழ் ஊடகங்களும் சமூகப் பிரமுகர்களாக தம்மைக் காட்டிக்கொண்டவர்களும் வசைமாரி பொழிந்தனர். இந்தப் போக்கின் பாரதூர விளைவுகளைத் தமிழர்கள் இன்றும் அனுபவிக்கிறார்கள் என்றும் தனது உரையில் குறிப்பிட்டார். இப்பொழுது உள்ள நிலைமையை ஒரு அரை மட்டத்திற்கு தண்ணீர் உள்ள பாத்திரத்தை, ‘அது அரைவாசி வெறுமையாக இருக்கிறது’ என்று ஒரு கண்ணோட்டத்திலும், ‘அது அரைவாசி நிறைவாக இருக்கிறது’ என்று இன்னுமொரு கண்ணோட்டத்திலும் பார்க்கக்கூடியதுபோல், தற்போதைய நிலைமையையம் பார்க்கலாம் என்றார். -- இன்றைய நிலைமையில், கொலைகள் கணிசமாகக் குறைந்துள்ளமை, வீதித் தடைகளும் மீனபிடித் தடைகளும் குறிப்பிடத்தக்க அளவில் நீக்கப்பட்டுள்ளமை, ஏ9 வீதியூடாக பிரயாணம் ஆரம்பிக்கப்பட்டுள்ளமை ஆகியன மக்களைப் பொறுத்தளவில் முன்னேற்றமான நிகழ்வுகளே; அதே வேளை, தடுப்பு முகாம்களில் உள்ளவர்கள் இயல்பு வாழ்க்கைக்குத் திரும்புவது, மக்கள் பிரதிநிதிகள் மக்களால் தேர்ந்தெடுப்பது போன்ற பல விடயங்கள் இன்னமும் செயற்பட வேண்டியுள்ளது என்றும் சுட்டிக்காட்டினார். மேலும் அவர் கூறுகையில், ‘ஏகப்பிரதிநிதிகள்’ என்பதினை ஏற்றுக்கொள்ள முடியாது என ஈபிஆர்எல்எவ் எப்பொழுதும் எதுவித மாற்றமுமின்றி கூறி வருகிறது. நிகழ்வின் இறுதி நிகழ்ச்சியாக ஒரு கலந்துரையாடல் நடாத்தப்பட்டது. சிவா அனுசரணையாளராக சில கேள்விகளை முன்வைக்க அவற்றின் மீது வௌ;வேறு கருத்துக்களைக் கொண்ட சிவலிங்கம், கீரன், உபாலி கூரே ஆகியோர் தமது கருத்துக்களைத் தெரிவிக்க, வருகையாளர்களும் தத்தம் கருத்துக்களை தெரிவிக்கும் சந்தர்ப்பம் வழங்கப்பட்டது. அக் கலந்துரையாடலில் தெரிவிக்கப்பட்ட கருத்துக்களின் சாராம்சம்:-நலன்புரி முகாம்களில் தங்கவைக்கப்பட்டிருக்கும் ஏறத்தாழ 300,000 தமிழ்மக்கள் பாரிய அவலங்களுக்குள் ஆளாக்கப்பட்டிருகிறார்கள் என்பதில் எவ்வளவு உண்மை என்ற விடயம் பற்றிய கருத்துக்கள் தெரிவிக்கப்படுகையில், இது பற்றி வௌ;வேறு விதமான தகவல்கள் வெளி வருகின்றன் அவை எந்தளவுக்கு உண்மை என்பதனை உறுதிப்படுத்துவது சிரமமாக இருக்கிறது. சில புலம்பெயர்ந்த தமிழ் அமைப்புகளினால் நடாத்தப்பட்ட ஆர்ப்பாட்டங்கள் மக்களின் அவல நிலைமையை முன்நிறுத்துவதிலும் பார்க்க, பயங்கரவாத அமைப்பு என அரசாங்கங்களினால் பிரகடனப்படுத்தப்பட்ட புலிகளினதும், புலிகளின் தலைவரது இருப்புகளையும் முன்நிலைப்படுத்தியமையால் அந்த ஆர்ப்பாட்டங்கள் மக்களின் அவலங்கள் எவையையும் நீக்கவில்லை எனக் கூறப்பட்டது. |
||
|
Frontpage / Page-2 / Page-3 / Page-4 / Page-5 |
||
ஈழமக்கள் புரட்சிகர விடுதலை முன்னணி(பத்மநாபா)வின் வெளிநாட்டுப் பிராந்தியத்தினரால் ஆண்டுதோறும் நடாத்தப்படும் ‘தியாகிகள் தினம’; ஜூன் மாதம் 20ந்திகதி, தெற்கு இலண்டனில் நடைபெற்றது. 
