 |
|
|
 |
||
|
Online Newspaper in Tamil Vol.8 29.01.2010 |
||
|
தீர்க்கம் மிக்க திருப்புமுனையில் தமிழர்கள் இன்று! அன்று முதல் இன்று வரையில் இலங்கையின் அரசியலோடு தம்மைப் பிணைத் துக்கொண்டு, பலதரப்பட்ட விதங்களில் போராடி அனுபவப் பாடங்களைக் கற்றுக் கொண்ட தமிழ் அரசியல் தலைவர்கள், அவர்களின் வழி வந்தவர்களாக ஒருவிதத்தில் கருதப்படும் இன்றைய அரசியல் தலைவர்கள் குறிப்பாகத் தமிழ் மக்களைப் பிரதிநிதித்துவப்படுத்து பவர்கள் என்று கூறிக்கொள்ளும் தமிழ்த் தேசியக் கூட்டமைப்பினர் காத்திரமாகச் செயற்படாது குழம்பிப்போய்க் காலத்தை இழுத்தடிப் பதனால் சிதறுண்டு போகின்றனர் என்ற சாரப்பட அமைகிறது இந்த அரசியல் ஆய்வுக் கட்டுரை. சந்துன் ஜீவந்த என்பவரால் எழுதப்பட்ட இக்கட்டுரை 'ரிவிர' பத்திரிகையில் வெளியாகியது. அதன் தமிழ் வடிவமே இது. ஜனாதிபதித் தேர்தல் சம்பந்தமாகத் தாம் எடுக்கவுள்ள தீர்மானம் எந்தவிதமானதாக அமையவேண்டியுள்ளது என்பதில் தமிழ்த் தேசியக் கூட்டமைப்பின் நிலை தர்மசங்கடமானதாகும். திரிசங்கு நிலையியே இன்னமும் அது உள்ளது. அதன் பிரதிபலிப்பே ஜனாதிபதித் தேர்தலில் நாடாளுமன்ற உறுப்பினர் எம்.கே.சிவாஜிலிங்கத்தின் வேட்புமனுத்தாக்கலாகும். தோஷம் பிடிப்பது இன் றல்ல, நாளையே எனக் கூறுவது போன்று, தமிழ்த் தேசியக் கூட்டமைப்பின் தீர்மான மும் நாளுக்கு நாள் தாமதமாகிக்கொண்டே வருகின்றது. அந்த இடைவெளிக்குள் அதன் பொருத்துக்கள் (கட்சிகள்) ஒவ்வொன்றாகக் கழன்று செல்ல ஆரம்பித்துள்ளன. இரண்டு மாற்று வழிகளே இப்போது எஞ்சியுள்ளனஜனாதிபதித் தேர்தல் தொடர்பாகப் புறம் பானதொரு தமிழ் வேட்பாளரை நிறுத்துவ தில்லையென்பதாக அண்மையில் தமிழ்த் தேசியக் கூட்டமைப்பு முடிவெடுத்தது. அதற்கமைய அவர்களுக்குத் தற்போது எஞ்சியிருக்கும் மாற்றுவழிகள் இரண்டாகும். அதாவது, ஒன்றில் ஜனாதிபதித் தேர்தலைப் பகிஷ் ரிப்பது அல்லது முன்னணி வேட்பாளர்கள் இருவருள் எவரேனும் ஒருவருக்கு ஒத்து ழைப்பு வழங்கி நிற்பது என்பதாகும். இந்த இரண்டு மாற்றுவழிகளுள் ஒன்றைத் தேர்ந்தெடுப்பதும் கூட அவர்களுக்குப் பெரும் சிக்கலொன்றாகியுள்ளது. அவர்களது தீர்மானங்கள் தொடர்ச்சியாகத் தாமதமடைந்து வருவதன் காரணமாகவே ஜனாதிபதித் தேர்தலில் புறம்பாகப் போட்டியிடுவதற்கு சிவாஜிலிங்கம் தீர்மானம் மேற்கொண்டார். தமிழ்த் தேசியக் கூட்டமைப்பில் அங்கம் வகித்த சிவாஜிலிங்கம் சிங்கள மக்களிடை யேயும் பிரபலமடைந்துள்ளார். கடந்த காலத்தில் சிங்களத் தொலைக்காட்சிச் சேவைகளில் இடம்பெற்ற அரசியல் விவாதங்களில் அவர் பங்களிப்புச் செய்திருந்தமையே அதற்குக் காரணமாகிறது. கூட்டமைப்பின் மூத்தோர் சிவாஜிலிங்கத்துக்கு எதிர்ப்பு நாடாளுமன்ற உறுப்பினர் சிவாஜிலிங் கம் தமிழ் மக்கள் சார்பில் ஜனாதிபதித் தேர் தலில் போட்டியிட்டாலும் கூடத் தமிழ்த் தேசியக் கூட்டமைப்பின் பெரும்பான்மைத் தரப்பான மூத்த உறுப்பினர்கள் அவரது இத்தீர்மானத்துக்கு விரோதமானவர்களே. கட்சியின் கருத்துக்கு எதிராக அவர் செயற் பட்டுள்ளார் என மாவை சேனாதிராஜா கருத்துக் கூறியிருந்தார். அத்தோடு இது விட யத்தில் தமிழ்த் தேசியக் கூட்டமைப்பிடமி ருந்து எந்தவிதமான ஒத்துழைப்பும் சிவாஜி லிங்கத்துக்குக் கிட்டமாட்டாதெனவும் அவர் தெரிவித்துள்ளார். எதிரான கருத்துகள் நாடாளுமன்ற உறுப்பினர் சிவாஜிலிங் கம் வேட்புமனுவைத் தாக்கல் செய்ததன் பின்னர் அடுத்து வந்த தினத்தில் வெளி யான தமிழ்ப் பத்திரிகைக ளில் அவரது இக் கள மிறங்கல் குறித்து கடும் கவனம் செலுத் தப்பட்டிருந்ததைக் காணமுடிந்திருந்தது. சில பத்திரிகைகளின் ஆசிரியர் தலையங் கங்களிலும் கூட இக்காரணம் ஆழமாக ஆராயப்பட்டிருந்தது. தமிழ்ச் சமூகத்தின் கருத்து அவ்வாறெனின், தமிழ்ச் சமூக்கத்தின் சாதகமான பிரதிபலிப்பு எவ்விதத்தில் அமையக்கூடுமென்பது இங்கு முக்கியத்துவம் பெறுகிறது. அதாவது, பெருமளவு தமிழ்ப் பத்திரிகைகளின் கருத்து வெளிப்பாடுகளுக்கு அமைய இன்றைய சந்தர்ப்பத்தில், தமிழ் மக்களுக்குப் பெரிதும் இலாபகரமானதொரு தீர்மானமாக அமைவது, ஜனாதிபதித் தேர்தலில் போட்டியிடும் முன்னணி வேட்பாளர்கள் இருவருள் ஒருவருக்கு ஒத்துழைப்பு வழங்கி நிற்பதேயாகும். அவர்களுள்ளும் வெற்றிகான சாதகங்கள் பெருமளவில் தென் படும் பிரமுகருக்கு ஒத்துழைப்பு வழங்கி நிற்பதே பெரிதும் புத்திசாலித்தன மானது என்பதே இக்கருத்தியல் வாதங்களி னூடாக மேலும் தெளிவுபடுத்தப்படுகிறது. தமிழ்த் தேசியக் கூட்டமைப்பின் காலத்தை இழுத்தடிக்கும் கொள்கைக்கு இதுவும் கூட, தாக்கத்தை ஏற்படுத்துமொரு காரணியாகிவிட்டுள்ளது. காலத்தை இழுத்தடித்தால் பிளவு, குழப்பம் நேரும் இந்நிலையில், இந்த இரு பிரதான ஜனாதிபதி வேட்பாளர்களிடமிருந்தும் தம்மால் பெறக்கூடியவைகள் எவை? அவர்களது தேர்தல் பிரகடனங்களில் எந்தவிதத் திலான முன்வைப்புக்கள் இடம்பெறக் கூடும்? வடக்கு, கிழக்குத் தொடர்பாக அவர் கள் எந்த உருவிலான அரசியல் தீர்வை முன்வைக்கக்கூடும்? போன்ற காரணிக ளைத் தெரிந்து கொள்வதில் தமிழ்த் தேசியக் கூட்டமைப்பு பொறுமையிழந்த நிலைக்கு உள்ளாகியுள்ளது. அவசரம் காட்டிவருகிறது. அதாவது, இவையனைத்தையும் தெரிந்து கொண்டு தமது தீர்மானத்தை வெளிப்படுத் துவதே அதன் உள்நோக்கமாகவுள்ளது. இருந்தபோதிலும், நாடாளுமன்ற உறுப்பி னர் சிவாஜிலிங்கத்தின் ஜனபதிபதி வேட்பா ளர் தீர்மானத்தின் காரணமாகப் பிளவுகளுக் கும்,குழப்பங்களுக்கும் உள்ளாகியிருப்பது போன்று தமிழ்த்தேசியக் கூட்டமைப்பானது மீளவும் அத்தகைய தொன்றைச் சந்திப்ப தற்கு அதன் இந்த இழுத்தடிப்புக் காரணமாகக் கூடும். பகிஷ்கரிப்புக் கோரிக்கை ஜனாதிபதித் தேர்தலில் போட்டியிடும் இரு பிரதான வேட்பாளர்களில் யாருக்கு ஒத்துழைப்பு வழங்குவதென்ற வினாவுக்கு உறுதியானதொரு பதிலைக் கண்டறிய இயலாது தமிழ்த் தேசிய கூட்டமைப்பு காலத்தை இழுத்தடித்து வருகையில், தேர் தல் பகிஷ்கரிக்கப்பட வேண்டியுள்ளதாக முன்வைக்கப்படும் கருத்தியல் வாதமும் மீளவும் தலை தூக்கியுள்ளது. எந்தவொரு தரப்புக்கும் ஒத்துழைப்பு வழங்கக் கூடா தெனக் கடும் பிடியில் நிற்கும் நாடாளு மன்ற உறுப்பினர்களிடையில் அகில இலங்கைத் தமிழ்க் காங்கிரஸ் கட்சியின் தலைவரான கஜேந்திரகுமார் பொன்னம் பலம்(இவர், பிரமுகர் குமார் பொன்னம்பலத் தின் புதல்வராவார்) மற்றும் 2004ஆம் ஆண் டுப் பொதுத்தேர்தலில் தமிழ்த்தேசியக் கூட் டமைப்பின் சார்பாகப் போட்டியிட்டு அதி கூடிய விருப்பு வாக்குகளைப் பெற்ற (யாழ்ப் பாணத்தில் ஒரு லட்சத்து 12 ஆயிரத்து77 விருப்பு வாக்குகளைப் பெற்றவர்) செல்வ ராஜா கஜேந்திரனும் உள்ளனர். சிங்களப் படையை வீடுகளுக்கு அனுப்பி வைக்க சவப்பெட்டிகளைத் தயார் செய்ய வேண்டி யுள்ளதாகக் கூறி கடந்த சந்தர்ப்ப மொன்றில் நாடாளுமன்றத்தினுள் பெரும் பரபரப்பை ஏற்படுத்தியிருந்த நாடாளுமன்ற உறுப்பின ரும் இந்தக் கஜேந்திரனேயாவார். சுயமான முடிவு ஒன்றை தமிழர்கள் எடுக்கக் கூடும் இடம்பெற விருக்கும் ஜனாதிபதித் தேர் தல் சம்பந்தமாக தமிழ்த் தேசியக் கூட்ட மைப்பு எத்தகைய கருத்தை முன்வைத்தா லும் என்னதான் கூறினாலும் தமிழ் மக்கள் சுயமானதொரு தீர்வை எடுப்பதற்கே முன் வரக்கூடுமென்பதற்காகவே நாம் சந்தித்த தமிழ்ப் புத்திஜீவிகளின் தரப் பொன்று கருத்து வழங்கியுள்ளது. மேலும் தேர்தல் பகிஷ்கரிப்பு என்பது மடைமைத்தனமானது எனவும் அவர்கள் கருத்து வழங்கியிருந்தனர். சிங்களத் தலைவர்களுடன் பேச்சுகள் மூலம் கலந்துரையாடுவதன் வாயிலாகவே தமக் குரிய எதுவொன்றையும் வென்றெடுக்க இயலுமேயல்லாது அவர்க ளைப் பகிஷ்கரிப் பதால் அல்ல என்பதும் இந்தப் புத்திஜீவி களின் கருத்தாயிருந்தது. அதே சிக்கல்தான் தமிழ்த் தேசியக் கூட்டமைப்பு சிதறுண்டு போவதற்கும் காரணமாகியுள்ளது. விடுத லைப்புலிகள் அமைப்பின் தோல்விக்குப் பின்னர், விடுதலைப் புலிகளுக்கு நேரடியாகவும், மறைமுகமாகவும் ஒத்துழைப்பு வழங்கி வந்துள்ள அரசி யல் கட்சிகளும் கூட தோல்வியைத் தழுவ ஆரம்பித்துள்ளன. - உதயன் - |
||
