 |
|
 |
|
Online Newspaper in Tamil Vol.9 09.04.2010 |
||
|
39 பேர் பலியான மாஸ்கோ தாக்குதல்கள் அல்கொய்தா உதவியுடன் தான் நடத்தப்பட்டது ரஷியா அறிவிப்பு ரஷியாவில் மாஸ்கோ நகர சுரங்க ரெயில் நிலையங்களில் மனித வெடிகுண்டுகளாக வந்த 2 பெண் தீவிரவாதிகள் நடத்திய தாக்குதல்களில் 39 பேர் பலியானார்கள். இந்த தாக்குதல்கள் அல்கொய்தா தீவிரவாதிகளின் உதவியுடன் தான் நடத்தப்பட்டது என்று ரஷியா அறிவித்து உள்ளது. ரஷியாவில் தலைநகர் மாஸ்கோவில் உள்ள சுரங்க ரெயில்களில் குண்டுகள் வெடித்தன. லூபியாங்கா ரெயில் நிலையத்திலும், பார்க் கல்சுரி சுரங்க ரெயில் நிலையத்திலும் ரெயில்கள் நின்றபோது அந்த ரெயில்களில் குண்டுகள் வெடித்தன. 2 பெண் தீவிரவாதிகள் மனித வெடிகுண்டுகளாக வந்து இந்த தாக்குதல்களை நடத்தினார்கள். இதில் 39 பேர் பலியானார்கள். 71 பேர் காயம் அடைந்தனர். இந்த தாக்குதலுக்கு செசன்யா தீவிரவாதிகள் பொறுப்பு ஏற்று உள்ளனர். இந்த தாக்குதல்களை செசன்யா தீவிரவாதிகள் நடத்தி இருந்தபோதிலும், அல்கொய்தா உதவியுடன் தான் அது நடத்தப்பட்டு இருக்கிறது என்று தெரியவந்து உள்ளது. இதை ரஷிய வெளிநாட்டு மந்திரி செர்ஜி லாவ்ரோவ் உறுதி செய்து இருக்கிறார். இது தொடர்பாக நிருபர்கள் அவரிடம் இந்த தாக்குதல்களில் வெளிநாட்டு சக்திகளுக்கு தொடர்பு இருக்கிறது என்று நீங்கள் நம்புகிறீர்களா என்று கேட்டபோது, நம்பவில்லை என்று சொல்லமுடியாது எனறு குறிப்பிட்ட அவர், ஆப்கானிஸ்தான்-பாகிஸ்தான் எல்லையில் செயல்பட்டுவரும் அல்கொய்தா தீவிரவாதிகள் இந்த தாக்குதலை நடத்த உதவி இருக்கிறார்கள் என்று குறிப்பிட்டார். இதற்கிடையில் ரஷிய அதிபர் மெட்வடேவ் தாக்குதல் நடந்த லூபியாங்கா ரெயில் நிலையத்துக்கு சென்றார். எஸ்கலேட்டரில் இறங்கி, பிளாட்பாரத்துக்கு சென்றார். எங்கு தற்கொலை தீவிரவாதி தாக்குதல் நடத்தி 24 பேர் உயிர் பலியாக காரணமாக இருந்தாரோ அந்த இடத்தில் மலர் வளையம் வைத்து அஞ்சலி செலுத்தினார். அப்போது அவர் கூறுகையில், இந்த தாக்குதல்களை நடத்தியவர்களை கண்டுபிடித்து அவர்கள் அனைவரையும் ஒழித்துக்கட்டுவோம் என்று உறுதி தெரிவித்தார். |
||
|
|
|
|
 |
|||
|
ஈழமக்கள் புரட்சிகர விடுதலை முன்னணி் தேர்தல் விஞ்ஞாபனம் புலிகளின் யுத்தத்தால் சீரழிந்து போன வடபகுதி நூலகங்கள் அரசால் புனரமைக்கப்படுகின்றன! தமிழ்த் தேசியம் என்பது வாக்குகளுக்கான கோஷமல்ல
|
|||